Tags-Bahaar

ai sub.h-e-nau-bahār kabhī tū idhar bhī aa
ahbāb jānte haiñ ki tujh sā bhī the hamīñ

ab jo chhūTe bhī ham qafas se to kyā
ho chukī vaañ bahār hī āḳhir

bahār ke din haiñ kyā maza hai sharāb kā daur chal rahā hai
lagā hai sabza chaman khulā hai baras rahā hai sahāb kaisā

haa.e 'altāf' vo urūs-e-bahār
jhāñktī hai jo ābgīne se

jaane kis rañg se aa.ī hai gulistāñ meñ bahār
koī naġhma hī nahīñ shor-e-salāsil ke sivā

bahār aa.ī to phūloñ se un kī ḳhushbū lī
havā chalī to havā se ḳhirām us ne liyā

dāman bhigo ke baiTheñ haiñ ḳhushiyoñ kī raah meñ
aksar bahār aatī hai rut meñ ghuTan ke ba.ad

zevar zavāl-e-husn meñ pahnā to kyā bahār
patte sunahre sūrat-e-barg-e-ḳhizāñ ḳharāb

gul kabhū ham ko dikhātī hai kabhī sarv-o-saman
apne gul-rū bin hameñ kyā kyā khijātī hai bahār

bas gayā jab se yaar āñkhoñ meñ
tab se phūlī bahār āñkhoñ meñ

mire lahū se jis ke barg-o-bār meñ bahār hai
vahī shajar mire liye salīb kaise ho gayā

ḳhūbāñ kī ḳhūbī hai ḳhizāñ terī bahār aañge sadā
āshiq kuuñ ai gulfām tujh ruḳhsār kī saugand hai

jhāñkne ko idhar aa.ī na kabhī bād-e-bahār
jab se ham aa.e na aayā sū-e-zindāñ koī

tire nuqūsh-e-qadam se bahār thī in kī
haiñ muntazir mire dil kī masāfateñ terī

bahār-o-bahjat-o-izz-o-vaqār us pe nisār
zabāñ se maal se jaañ se jo zālimoñ se laḌe

hamīñ meñ kyuuñ hadaf-e-tanz ai jamāl-e-bahār
sabhī ne phuul chune the tirī qabā ke liye

ik nau-bahār-e-nāz ko taake hai phir nigāh
chehra faroġh-e-mai se gulistāñ kiye hue

na ḳhat likhe na diye un ko taar ab ke baras
guzar ga.ī yuuñ hī saarī bahār ab ke baras

rāh-e-sahrā hai na aatī hai kahīñ fasl-e-bahār
ishq meñ dīvāngī jāma-darī kyā dekhnā