Tags-Bahaar

na.e shagūfe na kyuuñ khilā.eñ jo ġhuncha-o-gul ko dekh paa.eñ
bahār to hai chaman kī raanī chaman kī raanī hai aur ham haiñ

bas ek mauja-e-bād-e-bahār guzrī thī
piro ga.ī hai mirā jism Daalī Daalī meñ

kyuuñ baiTh ga.e ġhubār se ham
kuchh kah na sake bahār se ham

dil āsūda na paayā kyā ḳhizāñ aur kyā bahār is ko
mohabbat meñ rakhe hai turfa dard-e-be-davā bulbul

tujhe ai bāġhbāñ ik musht-e-par se kyā adāvat hai
bahār āḳhir hai do din meñ kujā gul phir kujā bulbul

rañg-e-shikasta sub.h-e-bahār-e-nazāra hai
ye vaqt hai shaguftan-e-gul-hā-e-nāz kā

kuchh sādgī-e-tab.a thī kuchh maslahat kā jabr
kāñToñ ko pūjte rahe bāġh-o-bahār log

maiñ apne kū-e-tamannā meñ muntazir hī rahā
talāsh kartī rahī dasht meñ bahār mujhe

jo shuā-e-lab hai mauj-e-nau-bahār-e-naġhma hai
ḳhāmushī bhī aap kī ā.īna-dār-e-naġhma hai

yuuñ to bahut hasīñ hai bahār-e-chaman kī yaad
dil par magar hai naqsh isī anjuman kī yaad

ḳhizāñ kī rut meñ bhī maiñ shāḳh se nahīñ TuuTā
mujhe bahār kī purvā.iyoñ ne toḌ diyā

partav paḌā jo āriz-e-gulgūn-e-yār kā
uThā tanūr-e-lāla se tūfāñ bahār kā

ḳhudārā dekh le duniyā ki phir ye bhī na dekhegī
chaman se jaate jaate rah ga.ī hai jo bahār ab tak

chaman kī yaad aa.ī dil bhar aayā aañkh bhar aa.ī
jahāñ bolā koī gulshan meñ baaqī hai bahār ab tak

burā gulchīñ ko kyuuñ kahiye bure haiñ ḳhud chaman vaale
bhale hote to kyā muñh dekhtī rahtī bahār ab tak

ḳhudā ma.alūm kyuuñ lauTī nahīñ jā kar bahār ab tak
chaman vaale chaman ke vāste haiñ be-qarār ab tak

bahār aa.ī junūñ legā hamārā imtihāñ dekheñ
namak degā dil-e-zaḳhmī ko shor-e-bulbulāñ dekheñ

kī ba.ad-e-ḳhizāñ bahār paidā
sūkhī Tahnī harī-bharī kī

baḌh ga.ī vahshat bahār-e-fitnā-sāmāñ dekh kar
hañs rahā huuñ ḳhud-baḳhud chāk-e-garebāñ dekh kar

jahāñ meñ vaise to jiite haiñ sab lekin jo sach pūchho
maza jiine kā duniyā meñ bahār-e-dostāñ tak hai