English
Favourite
Favourite
UrduShayarUrduShayar
Expand menu
Sign inAccount

Tags-Bahaar

tamām umr kiyā ham ne intizār-e-bahār
bahār aa.ī to sharminda haiñ bahār se ham
Sher
 tamam umr kiya humne intizar-e-bahaar
fasl-e-gul kab luTī nahīñ mālūm
kab bahār aa.ī thī nahīñ mālūm
Ghazal
 fasl-e-gul kab luTi nahin malum
ye faroġh-e-gulsitāñ hai ki bahār se ayaañ hai
tire husn kī haqīqat mire ishq kā fasāna
Ghazal
 meri justuju ka hasil mera shauq-e-walihana
kyuuñ na kar luuñ aur abhī sair-e-bahār-e-lāla-zār
maiñ nahīñ mahsūs kartā huuñ nahīf-o-zār abhī
Ghazal
 be-mahal hai guftugu hain be-asar ashaar abhi
vahīñ bahār-ba-kaf qāfile lapak ke chale
jahāñ jahāñ tire naqsh-e-qadam ubharte rahe
Ghazal
 har ek rang mein yun Dub kar nikharte rahe
ye samāñ use dikhā.ūñ sabā jā use bulā lā
na bahār hai na saaqī na sharāb hai na pyālā
Ghazal
 jahan gham mila uThaya phir use ghazal mein Dhaala
ye bahār-o-ḳhizāñ ke afsāne
log bhī kis qadar haiñ dīvāne
Ghazal
 ye bahaar-o-KHizan ke afsane
ye kyā bahār kā joban ye kyā nashāt kā rañg
fasurda mai-kade vaale udaas mai-ḳhāne
Ghazal
 nazar mein Dhal ke ubharte hain dil ke afsane
kalī chaTkī na gul mahke na ġhunchoñ par nikhār aayā
ajab andāz se ab ke gulistāñ meñ bahār aa.ī
Ghazal
 hua jab jalwa-ara aap ka zauq-e-KHud-arai
bahār detā hai chhan chhan ke nuur chehre kā
sar-e-naqāb hai jo kuchh tah-e-naqāb nahīñ
Ghazal
 nigah barq nahin chehra aaftab nahin
thā rañg-e-bahār be-navā.ī ki na thā
zāhir thā zavāl intihā.ī ki na thā
Rubaai
 tha rang-e-bahaar be-nawai ki na tha
vahāñ salām ko aatī hai nañge paañv bahār
khile the phuul jahāñ tere muskurāne se
Sher
 wahan salam ko aati hai nange panw bahaar
namāzī jā rahe haiñ aaj kyuuñ sū-e-sanam-ḳhāna
bahār-e-be-ḳhudī shāyad vahāñ bhī aa ga.ī hogī
Ghazal
 na jab tak dard-e-insan se kisi ko aagahi hogi
vo log jo ki ma.āl-e-chaman se vāqif haiñ
ḳhizāñ-nasīb guloñ kī bahār kyā dekheñ
Sher
 wo log jo ki maal-e-chaman se waqif hain
tum ho tumhārā maiñ huuñ tumhārī bahār hai
ye kis ko dekh dekh ke sharmā rahe ho tum
Ghazal
 aaina dekhta hun nazar aa rahe ho tum
ḳhizāñ-rasīdoñ ko bāġh-o-bahār se kyā kaam
na ab vo josh-e-tabī.at na valvala dil kā
Ghazal
 buto KHuda pe na rakkho moamla dil ka
uruuj par hai chaman meñ bahār kā mausam
safar shurū ḳhizāñ kā yahāñ se hotā hai
Ghazal
 makan se dur kahin la-makan se hota hai
barafaroḳhta ruḳh hai us kā kis ḳhūbī se mastī meñ
pī ke sharāb shagufta huā hai us nau-gul pe bahār hai aaj
Ghazal
 shahr se yar sawar hua jo sawad mein KHub ghubar hai aaj
phūloñ ne hañs ke Taal diyā vaqt par hameñ
kāñTā magar bahār ke hālāt kah gayā
Ghazal
 pir-e-mughan ko qibla-e-hajat kah gaya
bahār ho ki ḳhizāñ kār-gāh-e-hastī meñ
unheñ kisī se ġharaz kyā jo tere ho jaa.eñ
Ghazal
 mile hain pyar ke lamhe to un mein kho jaen
Top Urdushayar.com