Tags-Bahaar

hadīs-e-shauq abhī muḳhtasar hai chup rahiye
abhī bahār kā kyā ġham abhī junūñ bhī nahīñ

na ḳhizāñ meñ hai koī tīrgī na bahār meñ koī raushnī
ye nazar nazar ke charāġh haiñ kahīñ bujh ga.e kahīñ jal ga.e

na hai 'shā.ir' ab ġham-e-nau-ba-nau na vo dāġh-e-dil na vo aarzū
jinheñ e'timād-e-bahār hai vahī phuul rañg badal ga.e

sunte haiñ ab kī aa.ī hai kis dhuum se bahār
kyā jī phaḌak rahā hai qafas meñ barā.e baaġh

is nau-bahār meñ to tarah gul ke ai nasīm
yuuñ chāhiye ki zaḳhm-e-dil apnā rafū na ho

yuuñ intiqām tujh se fasl-e-bahār leñge
phūloñ ke sāmne ham kāñToñ ke pyaar leñge

bahār o ḳhizāñ kam-nigāhoñ ke vahm
bure yā bhale sab zamāne tire

girnī thī ham pe barq-e-tajallī na tuur par
dete haiñ baada zarf-e-qadah-ḳhvār dekh kar

jo miTā hai tere jamāl par vo har ek ġham se guzar gayā
huiiñ jis pe terī navāzisheñ vo bahār ban ke sañvar gayā

bahār aa.ī khile ġhunche magar ai nāzim-e-gulshan
hamāre āshiyāñ kī sho.ala-sāmānī nahīñ jaatī

jab bhī dekhī hai kisī chehre pe ik taaza bahār
dekh kar maiñ tirī tasvīr purānī royā

vo mujh ko aazmā ke kaḌī dhuup meñ rahā
mujh ko ḳhizāñ bahār lagī imtihān kī

kabhī bahār na aa.ī bahār kī sūrat
badal ga.ī chaman-e-rozgār kī sūrat

usī samay ham ne un ko Tokā thā bāġhbāñ jab ye kah rahe the
bahār aate hī jī uThegā chaman na.ī zindagī milegī

ronā mujhe ḳhizāñ kā nahīñ kuchh magar 'shamīm'
is kā gila hai aa.ī chaman meñ bahār kyuuñ

na pūchh kitne gul-o-nastaran kā ruup liye
bahār-e-nau ke taqāze nazar se guzre haiñ

bahār-e-ḳhuld ba-har-gām saath saath rahī
tire ḳhayāl meñ kho.e jidhar se guzre haiñ

vo ḳhol jis meñ muqayyad huuñ TūTne ko hai
mujhe bahār kā muzhda sunā rahī hai ġhazal

ḳhizāñ kī shaam ko zaḳhm-e-bahār kis ne kiyā
har ek resha-e-gul rañg-bār kis ne kiyā

ham ajiib tarz ke log the ki hamāre aur hī rog the
maiñ ḳhizāñ meñ us kā thā muntazir use intizār-e-bahār thā