Tags-Bahaar

ye kahāñ se mauj-e-tarab uThī ki malāl dil se nikal ga.e
vahī sub.h-o-shām jo the garāñ nafas-e-bahār meñ Dhal ga.e

ye kaisī shāḳh ke paivand haiñ daraḳhtoñ par
ye kaise phal haiñ ye rañg-e-bahār kaisā hai

sairāb nazar hogī mirī yā gul-e-tar se
yā ḳhatm bahār-e-gul-e-tar ho ke rahegī

kaafī vasī.a silsila-e-iḳhtiyār hai
kaafī tavīl muddat-e-ahd-e-bahār hai

vahī ġhuncha ġhuncha-o-gul-ba-gul vahī ruḳh-ba-ruḳh vahī dil-ba-dil
kabhī the chaman kī bahār ham tumheñ yaad ho ho ki na yaad ho

kyuuñ jā rahī hai ruuTh ke rañgīnī-e-bahār
jā ek martaba use phir varġhalā ke lā

vo gul-badan kabhī niklā jo sair-e-sahrā ko
to apne saath havā-e-bahār kar legā

tujh se hī sab bahār hai mire dost
tū hī dil kā qarār hai mire dost

hairāñ hue bas-ki muñh terā dekh
gulshan se bahār kyūñke jaave

nishāt-o-kaif ke lamhoñ zarā Thahar jaao
bahār raah meñ hai duur kā safar bhī nahīñ

kare tā-bulbul-e-dil kuuñ ġhazal-ḳhvāñ
bahār-e-ishq kā hañgām aayā

ālam-e-sheb meñ huuñ yuuñ 'ġhāfil'
baaġh meñ jaise be-bahār daraḳht

baḌī talab thī baḌā intizār dekho to
bahār laa.ī hai kaisī bahār dekho to

'qalaq' be-raunaqī raunaq hai merī
bahār-e-umr-e-hastī kī ḳhizāñ huuñ

merī āñkhoñ meñ haiñ aañsū tere dāman meñ bahār
gul banā saktā hai tū shabnam banā saktā huuñ maiñ

shāḳhoñ se barg-e-gul nahīñ jhaḌte haiñ baaġh meñ
zevar utar rahā hai urūs-e-bahār kā

be-shak huzūr sāqī-e-bazm-e-bahār haiñ
lekin ḳhud apnī tishna-labī bhī nibhā.iye

jo mere dasht-e-junūñ meñ thā farq-e-rū-e-bahār
vahī ḳhirad ke ḳharābe meñ ik gulāb banā

kāñToñ pe chal rahā huuñ mohabbat kī raah meñ
kis husn kī bahār hai merī nigāh meñ