Tags-Bahaar

qafas meñ dūr-o-darāz se bhīnī bhīnī ḳhushbū sī aa rahī hai
chaman chaman ham ko DhūñDtī hogī mauj-e-fasl-e-bahār shāyad

ik phuul aur khil gayā ahd-e-bahār meñ
ik sañg jab bhī taan ke maarā gayā mujhe

aah ye barsāt kā mausam ye zaḳhmoñ kī bahār
ho gayā hai ḳhūn-e-dil āñkhoñ se jaarī in dinoñ

banā bahār meñ ujḌā ḳhizāñ meñ ai 'afqar'
haqīqat itnī hī bas apne āshiyāne kī

bahār aate hī kunj-e-qafas nasīb huā
hazār haif ki niklā na hausla dil kā

begāna sā lage hai chaman ab ḳhizāñ meñ haa.e
aisī ga.ī bahār magar āshnā na thī

kuchh karo fikr mujh dīvāne kī
dhuum hai phir bahār aane kī

chand ḳhūnīñ-jigar hue rusvā
muskurāyā chaman bahār aa.ī

bād-e-sumūm darpai āzār dekh kar
sakte meñ be-qarār hai bād-e-bahār chup

jin ko har hālat meñ ḳhush aur shādmāñ paatā huuñ maiñ
un ke gulshan meñ bahār-e-be-ḳhizāñ paatā huuñ maiñ

bichhaḌte vaqt vo taqsīm kar gayā mausam
bahār us kī taraf hai ḳhizāñ hamārī taraf

bahut dekhe bahār-āmez manzar
tirī yādoñ kī ra.anā.ī salāmat

apnī āñkhoñ meñ ḳhamistān-e-mai-e-nāb liye
apne aariz pe bahār-e-gul-e-shādāb liye

dekhī bahār ham ne kal zor mai-kade meñ
hañsne siiñ us sajan ke thā shor mai-kade meñ

phuuT kar paañv ke chhāle mire laa.e ye rañg
baaġh to baaġh hai sahrā meñ bahār aa.ī hai

kah ga.e ahl-e-chaman ye tire dīvānoñ se
hosh meñ aao zamāne meñ bahār aa.ī hai

dikhlā kī ye bahār shagūfa phulā.enge
oḌhā nahīñ do-shāla-e-gulnār be-sabab

bahār aa.ī hai kyā kyā chaak jaib-e-pairahan karte
jo ham bhī chhūT jaate ab to kyā dīvāna-pan karte

kis lagan kis tamannā se kis chaav se mausam-e-rañg-o-nik.hat ko dī thī sadā
kyā ḳhabar thī ki abr-e-bahār-āfrīñ aag ke phuul gulshan pe barsā.egā

taġhāful mat karo ai nau-bahār-e-gulshan-e-ḳhūbī
tumhāre bin nipaT be-āb hai dil kā chaman pyāre