Tags-Bahaar

mausam-e-sañg-o-rañg se rabt-e-sharār kis ko thā
lahza-ba-lahza jal ga.ī dard-e-bahār kis ko thā

na vo tā.eroñ kā jamghaT na vo shāKٓH-e-āshiyāna
tum ise ḳhizāñ kahoge ki bahār kā zamāna

dil par bhī aao ek nazar Dālte chaleñ
shāyad chhupe hue hoñ yahīñ din bahār ke

kaise guzar sakeñge zamāne bahār ke
chup ho gayā huuñ mausam-e-gul ko pukār ke

dekhnā hai soz-o-sāz-e-mausam-e-gul kī bahār
imtizāj-e-sho.ala-o-shabnam kī ra.anā.ī rahe

ham bhī dikhlā.eñ jahāñ ko dil ke dāġhoñ kī bahār
aap kī hāsil agar ham ko masīhā.ī rahe

ai bahār-e-zindagī ab der hai kis baat kī
baasī phūloñ kī tarah haiñ baḳht murjhā.e hue

ham-safīrān-e-chaman tum ko mubārak ho bahār
ham asīroñ ke muqaddar meñ ḳhizāñ hai ab bhī

aa.ī ḳhizāñ chaman meñ ga.e din bahār ke
sharminda sab daraḳht haiñ kapḌe utaar ke

dāġh-e-ashk āstīñ se uḌte haiñ
muft jaatī hai haath se ye bahār

chaman meñ sair-e-gul vo aur maiñ ai 'tāj' kyā din the
bahāreñ aa.iiñ aane ko na aa.ī vo bahār ab tak

shabāb par bahār thī
fazā bhī ḳhush-gavār thī

aatī hai apne jism ke jalne kī bū mujhe
luTte haiñ nik.hatoñ ke subū jab bahār meñ

din kaT rahe haiñ kashmakash-e-rozgār meñ
dam ghuT rahā hai sāya-e-abr-e-bahār meñ

log kahte haiñ ki gulshan meñ bahār aa.ī hai
bū-e-gul phir bhī pareshāñ hai ise kyā kahiye

nayā husn dekhtā huuñ ḳham-e-shāḳh-e-har-shajar par
ye bahār apne tan se jo libās utārtī hai

hai aag gul pe ajab is bahār-e-guzrāñ meñ
chaman meñ ab ke gul-e-be-hisāb kyuuñ aayā

ye bahār-o-ḳhizāñ ye ḳhushī aur ġham ye hasīñ nāznīñ dil ke patthar sanam
sab sahāre haiñ bas chaar din ke liye zindagī-bhar kā koī sahārā nahīñ

lāla-o-gul par jo guzrī hai guzarne dījiye
aap ko to mehrbāñ lutf-e-bahār aa hī gayā

jab sabā aa.ī idhar zikr-e-bahār aa hī gayā
yaad ham ko inqalāb-e-rozgār aa hī gayā