Tags-Bahaar

tirī yaad aaj aaise dil-e-mubtalā meñ aa.ī
sar-e-dasht-e-shām jaise shab-e-nau-bahār aa.e

lāla-o-gul pe ḳhizāñ aaj bhī jab chhā.ī hai
kaun kahtā hai gulistāñ meñ bahār aa.ī hai

navāh-e-jāñ meñ kabhī to bahār aa.egī
kabhī to badlegī is dasht kī fazā likh do

hamīñ chaman meñ payām-e-bahār laa.e the
chaman se le ke hamīñ hasrat-e-bahār chale

na daur-e-jām na ab qissa-e-bahār chale
unhīñ kā zikr chale aur baar baar chale

ye haiñ apne zehn ke aks sab yahāñ asl kyā hai ḳhayāl kyā
ye ḳhizāñ ke rañg haiñ be-ḳhabar to samajh rahā hai bahār hai

lāla-o-gul kai zikr se behtar
ek jān-e-bahār kī bāteñ

hijr meñ vasl-e-yār kī bāteñ
haiñ ḳhizāñ meñ bahār kī bāteñ

chaman meñ lāla-o-gul par nikhār bhī to nahīñ
ḳhizāñ agar ye nahīñ hai bahār bhī to nahīñ

rañg-e-bahār par na phuul bū-e-chaman se darguzar
ye bhī haiñ ḳhushnumā fareb-e-dāna-o-dām ke sivā

maiñ be-navā uḌā thā bose ko un laboñ ke
har dam sadā yahī thī de guzro Taal kyā hai

sub.h-e-bahār ham ko bulātī rahī magar
ham khelte rahe kisī zulfoñ kī shaam se

kaaTī tamām umr fareb-e-bahār meñ
kāñTe sameTte rahe phūloñ ke naam se

har zabāñ par thā kabhī tazkira-e-daur-e-bahār
har zabāñ shikva-gar-e-jaur-e-ḳhizāñ hai ki nahīñ

kahāñ se akbar-e-āzam ke gulshan meñ bahār aatī
agar chunarī vo jodhā.bā.ī kī dhānī nahīñ hotī

kyā sabab kuchh tujhe ma.alūm hai ai abr-e-bahār
dil ke murjhāne se kyuuñ zaḳhm harā hotā hai

tere ḳhirām-e-nāz se aaj vahāñ chaman khile
fasleñ bahār kī jahāñ ḳhaak uḌā ke rah ga.iiñ

ghirā huā hai chaman narġha-e-siyāsat meñ
bahār sho.ala-ba-dāmāñ hai kyā ġhazal kahiye

chahak rahe haiñ chaman meñ bulbul mahak rahe haiñ khule hue kul
chhalak rahe haiñ piyāla-e-mul ḳhushī hai abr-e-bahār aayā

kaho ye saaqī se aa ḳhudārā kare na kashtī-e-mai kinārā
ḳhudā kī rahmat ne josh maarā barastā abr-e-bahār aayā