Tags-Bahaar

mirī be-kasī pe tirī nazar na paḌī jab ai but-e-ishva-gar
vo jo terā ahd-e-shabāb thā so vo ain josh-e-bahār thā

bahār aa.ī hai bint-ul-inab pe joban hai
girah meñ daam koī bāda-ḳhvār rakhtā hai

judā judā hai hasīnān-e-dahr kā andāz
har ek tarah kī har gul bahār rakhtā hai

dekhiye kis ke muqaddar meñ likhī hai ye bahār
aaj to ik haar phūloñ kā kaf-e-qātil meñ hai

ajiib rañg se aa.ī bahār holī meñ
zamīn-e-hind banī lāla-zār holī meñ

dast-e-junūñ-o-panja-e-vahshat chihār-samt
be-barg-o-bār hone lagī hai bahār phir

har zaḳhm chand zaḳhmoñ kī kartā hai parvarish
kaise sadā-bahār hai ye gulsitāñ na pūchh

kyā hai dāġh-e-ḳhūn-e-bulbul kī bahār
dekh ai sayyād gulzār-e-qafas

ye kaisī bahār-e-chaman aa.ī ki chaman meñ
vīrāna hī vīrāna hai tā-hadd-e-nazar aaj

ho ga.ī aur bhī rañgīñ tirī yādoñ kī bahār
khilte phūloñ ne mirā zaḳhm-e-jigar kholā hai

bahār aatī hai lekin sar meñ vo saudā nahīñ hotā
har aahaT par tirī āvāz kā dhokā nahīñ hotā

vo gul jān-e-bahār-e-ārzū hai log kahte haiñ
use shāḳh-e-tamannā par sajā kar dekh letā huuñ

maiñ mausamoñ ke taġhayyur se kaañp uThtā huuñ
bharī bahār meñ ujḌā thā kal chaman merā

suntā huuñ kahīñ duur se naqqārā sabā kā
utrī hai bahār ab ke bhī ḳhāshāk se bāhar

ġhurūr se jo zamīñ par qadam nahīñ rakhtī
ye kis galī se nasīm-e-bahār aatī hai

intizār-e-fasl-e-gul meñ kho chuke āñkhoñ kā nuur
aur bahār-e-bāġh letī hī nahīñ aane kā naam

tirā tabassum faroġh-e-hastī tirī nazar e'tibār-e-mastī
bahār iqrār kar rahī hai sharāb īmān lā rahī hai

dil divāna ho gayā hai dekh ye sub.h-e-bahār
rasmasā phūloñ basā aayā añkhoñ meñ niiñd hai

gulshan-e-dil meñ kahāñ 'aḳhtar' vo rañg-e-nau-bahār
ārzūeñ chand kaliyāñ thiiñ pareshāñ ho ga.iiñ

maiñ ik taraf huuñ shakl-e-ḳhizāñ pā.emāl-e-yās
ik samt vo bahār kā jalva liye hue