Tags-Bahaar

tum musāfir bahār rastoñ ke
merī manzil salīb sannāTā

uf ye ġhunchoñ kā tabassum ye bahār
haif agar ye ġhunche kal murjhā ga.e

unhīñ kā naam kahīñ mastī-e-bahār na ho
kalī ke siine meñ jo nik.hateñ dhaḌaktī haiñ

'figār' ehsās-e-dil meñ har taraf kāñTe hī kāñTe haiñ
yahī taskīn gulshan meñ bahār aane se hotī hai

bahār-e-chañd-roza se koī māñge to kyā māñge
ḳhizāñ ko bhī nadāmat haath phailāne se hotī hai

koī mirā hī āshiyāñ hāsil-e-fasl-e-gul na thā
haañ ye bahār hai bahār raqs-e-sharar ke baad bhī

nashāt-e-rūh ai merī bahār-e-zindagī mujh ko
tire pahlū meñ jo lamhe guzāre yaad aate haiñ

josh-o-ḳharosh par hai bahār-e-chaman hanūz
piite haiñ nau-javān sharāb-e-kuhan hanūz

mirī bahār meñ aalam ḳhizāñ kā rahtā hai
huā jo vasl to khaTkā rahā judā.ī kā

bahār-e-gul meñ dīvānoñ kā sahrā meñ parā hotā
jidhar uThtī nazar kosoñ talak jañgal harā hotā

bahār-e-zīst kī mahrūmiyāñ are tauba
dil-e-shagufta kī nākāmiyāñ are tauba

bahār aa.ī hai phir chaman meñ nasīm iThlā ke chal rahī hai
har ek ġhuncha chaTak rahā hai guloñ kī rañgat badal rahī hai

mausam bahār kā thā ḳhizāñ jald aa ga.ī
hañstā huā chaman mirā vīrān ho gayā

chale ham baaġh se ai 'shād' kis vaqt
bahār aane ko thī gul kā numū thā

rah-e-ḳhizāñ meñ talāsh-e-bahār karte rahe
shab-e-siyah se talab husn-e-yār karte rahe

kyā ḳhuub mere baḳht kī manDve chaḌhī hai bel
nā baaġh na bahār na kāñTā nā phuul huuñ

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

ḳhabar le jald ki bahkī huī bahār hai aaj
nashāt-e-ḳhuld se ma.amūr sabza-zār hai aaj

dāvat
bahār bītne vaalī hai aa bhī jā salmā

chaar din kī bahār hai saarī
ye takabbur hai yār-e-jānī hech