Tags-Bandagi

mirā qalam nahīñ tasbīh us maballiġh kī
jo bandagī kā bhī har dam hisāb rakhtā hai

mai-kade meñ ye shor kaisā hai
bāda-kash bandagī ke mujrim haiñ

na pūchhiye ki vo kis karb se guzarte haiñ
jo āgahī ke sabab aish-e-bandagī se ga.e

dair-o-ka.aba se pyāsī jabīneñ liye
aa ga.e ham tirī bandagī kī taraf

mirī zindagī tirī bandagī se judā nahīñ kabhī ġhaur kar
mare ijtihād pe tū ne ġhaur kiyā na ho kahīñ yuuñ na ho

maiñ kahāñ se lā.ūñ vo zindagī jo sarāsar us kī ho bandagī
mirī ruuh kī jo talab hai us kī razā na ho kahīñ yuuñ na ho

dair ho ka.aba ho kalīsā ho
us kī dhun us kī bandagī se ġharaz

masrūf-e-vāz-o-pand the sultān-e-mashriqain
jo ghar se nikle khelte zohrā ke nuur ain

bharam khulne na paa.e bandagī kā
vo mātam kar rahe haiñ zindagī kā

bandagī-āmoz bazm-e-zindagī bechārgī
aadmī ko jab ġharaz aTkī salām aa hī gayā

kaise hogā ab ḳhudā.ī bandagī kā faisla
shahr ke saare ḳhudā meñ ek banda rah gayā

ye kis ke dar se ta.ane mil rahe haiñ sajda-o-sar ko
ye kis dar par hai zauq-e-bandagī badnām kyā kahiye

rāteñ mujh meñ sukūn kitnā hai
ham ne dekhā ye bandagī kar ke

jhukānā āstāñ par sar koī mushkil nahīñ lekin
jabīn-e-bandagī ko ham kab is qābil samajhte haiñ

hañsne meñ bhī nihāñ haiñ yahāñ nāla-hā-e-dard
pāmāl rasm-e-ijz mirī bandagī nahīñ

vahī rañj hai to yuuñ hī sahī vo 'qalaq' hī thā ki yuuñ hī nibhī
mirī aap ko bhī hai bandagī mirā ishq ko bhī salām hai

jabīñ ko dar pe jhukānā hī bandagī to nahīñ
ye dekh merī mohabbat meñ kuchh kamī to nahīñ

mizāj-e-husn ko bhaa.ī na bandagī merī
niyāz-e-ishq meñ shāmil rahī ḳhudī merī