Tags-Bharosa

āñkhoñ ne abhī niiñd kā dāman nahīñ chhoḌā
ḳhvāboñ se bharosa abhī TuuTā to nahīñ hai

zikr-e-dushman par mujhe jhuTlāne vaale phir tū kah
tum ho muztar kyā bharosa hai tumhārī yaad kā

mujh ko tum par bahut bharosa thā
tum ne māyūs kar diyā afsos

kyā aise ham-safar pe bharosa kare koī
jo dil ko bhī sharīk-e-masāfat na kar sake

ḳhvāb jitne dekhne haiñ aaj saare dekh leñ
kyā bharosa kal kahāñ pāgal havā le jā.egī

aaj nākām sahī kal kā bharosa hai mujhe
ishq phir kyā jo tujhe apnā banā bhī na sakūñ

rakhte haiñ jo allāh kī qudarat pe bharosa
duniyā meñ kisī kī vo ḳhushāmad nahīñ karte

amal par mujhe e'timād apne kam hai
ḳhudā ke karam par bharosa ziyāda

na thā bharosa to rakhte hī kaise ummīdeñ
sulūk-e-vaqt se har e.atibār ḳhatm huā

maslahat-kosh zamāne kā bharosa kyā hai
jo bhī miltā hai yahāñ gardish-e-daurāñ kī tarah

vo ḳhvāb dikhātā thā mujh ko maiñ is pe bharosa kartā thā
qaa.im na rahā va.adoñ kā bharam kuchh yaad rahā kuchh bhuul ga.e

apne me.aar tak na pahuñchā maiñ
mujh ko ḳhud par baḌā bharosa thā

pyaar bharosa shafqat kho dete sab kuchh
kaise baḌoñ kī ham nā-farmānī karte

maiñ Dhaltī dhuup kī lau huuñ mirā bharosa kyā
nigāh-e-shām mirā intizār mat karnā

ham liye jā.eñge kuchh us kā bharosa bhī nahīñ
jaan de deñ ye mohabbat kā taqāzā bhī nahīñ

'iqbāl' is ḳhushī kā bharosa bhī kuchh na thā
achchhā huā ye dard-sarī chhīn lī ga.ī

sāyoñ pe e'timād se uktā gayā hai jī
tūfāñ meñ zindagī kā bharosa kahāñ se aa.e

chale chalo ki bharosa nahīñ havāoñ kā
abhī haiñ saath abhī ruḳh badal na jaa.eñ kahīñ

vo be-yaqīn bharosa na kar sakā varna
the mere saath ka.ī log e'tibār ke bhī

ik dhuup se uljhā huā saaya hai ki maiñ huuñ
ik shaam ke hone kā bharosa hai ki tum ho