Tags-Bharosa

terī nazroñ meñ mohabbat bhī hai ik khel to aa
maiñ karūñ tujh pe bharosa tū daġhā de mujh ko

jalā.e rakhnā diye pyaar ke maiñ ā.ūñgā
mujhe tumhārī vafā par baḌā bharosa hai

kaam mushkil hai bharosa hai magar 'rāhī' ko
us ke insān ko insān kiyā jā.egā

kiyā bharosa us ke va.ade kā magar
dil ke ḳhush rakhne ko ik va.ada to hai

mujhe chhoḌ de mire haal par tirā kyā bharosa hai chāra-gar
ye tirī navāzish-e-muḳhtasar mirā dard aur baḌhā na de

ġharaz tere sivā har ek ko majbūr paatā huuñ
bharosa jis pe kartā huuñ usī se kuchh nahīñ hotā

vahāñ terā karam terā bharosa kaam aatā hai
jahāñ majbūr ho kar aadmī se kuchh nahīñ hotā

is zamāne meñ jab apnoñ kā bharosa ho fareb
sochtī rahtī ho maiñ jā.ūñ kahāñ achchhī to ho

har haal meñ lāzim hai mujhe pās-e-mohabbat
ye sach hai magar dil kā bharosa to nahīñ hai

kahne ko to aatī hai unheñ haañ bhī nahīñ bhī
ho jis pe bharosa na vahī hai na yahī hai

'ālam' mujhe bharosa nahīñ zā.ichoñ pe ab
is meñ likhā thā aur mayassar kuchh aur hai

ai 'nūr' mujhe kuchh to bharosa hai zabāñ par
kuchh baḳht-e-sa.ādat mujhe garmā.e hue hai

bharosa aah par hargiz nahīñ ai yaar āshiq ko
shikār ab tak kahīñ dekhā nahīñ tīr-e-havā.ī kā

duur ke des kī pariyoñ kā bharosa kyā thā
ham ne ḳhvāboñ ke na.e diip jalā.e bhī nahīñ

kab hue dost kab hue dushman
aap kā bhī koī bharosa na.iiñ

dil ko tirī chāhat pe bharosa bhī bahut hai
aur tujh se bichhaḌ jaane kā Dar bhī nahīñ jaatā

mile haiñ zaḳhm jab se 'shoḳh' vo gulshan se bartā hai
bharosa kuchh nahīñ kis phuul se patthar nikal aa.e

ta.alluq ahl-e-jahāñ se ho gar to rakhiye bīm-o-rajā barābar
sivā ḳhudā ke kisī ke upar kabhī bharosa na kījiyegā

habāb hai zindagī kā naqsha kahāñ kā din māh-o-sāl kaisā
havā hai ye dam kā kyā bharosa ummīd-e-fardā na kījiyegā

koī bharosa nahīñ abr ke barasne kā
baḌhegī pyaas kī shiddat na āsmāñ dekho