Tags-Bharosa

kisī pe koī bharosa kare to kaise kare
ki āñ.suoñ ke sivā aur koī kyā degā

ik bharosa hī mirā mujh se sadā laḌtā rahā
haañ ye sach hai us se maiñ har baar chhoTā paḌ gayā

maiñ batātā huuñ kuchh ik din se sabhī ko kam-tar
sāhibo uTh gayā kyā merā bharosa mujh se

koī pūchhe to sāhil par bharosa karne vāloñ se
agar tūfāñ kī zad meñ aa gayā sāhil to kyā hogā

zamīñ pe apne jism kī thakan bichhā ke so gayā
bharosa ḳhaak par kiyā ki rābta banā rahe

agar vafā pe bharosa rahe na duniyā ko
to koī shaḳhs mohabbat kā hausla na kare

bharosa ġhair kī chhāñv pe ham na karte agar
saroñ pe sāya-e-parvardigār honā thā

duniyā-e-danī hai matlab kī sab rishte naate toḌ diye
ab ḳhud pe bharosa karnā hai jitne the sahāre chhoḌ diye

kab baras jaa.eñ in āñkhoñ kā bharosa hī nahīñ
kaun be-vaqt kī barsāt meñ ghar se nikle

va.ada-e-bāda-e-at.har kā bharosa kab tak
chal ke bhaTTī pe piyeñ jur.a-e-irfāñ kaisā

mujhe chhoḌ de mere haal par tirā kyā bharosa hai chāragar
ye tirī navāzish-e-muḳhtasar merā dard aur baḌhā na de

na tum ko ḳhud pe bharosa na ham ko zom-e-vafā
na e'tibār-e-jahāñ hai qarīb aa jaao

insān kī niyyat kā bharosa nahīñ koī
milte ho to is baat ko imkān meñ rakhnā

kyā bharosa kisī pe ho ai 'josh'
dil ko ik dil-navāz ne maarā

sitāra-e-saharī kā bharosa mat kiijo
na.e safar meñ ye raḳht-e-safar purānā huā

koī kisī se na dil lagā.e na sar pe koh-e-alam uThā.e
nahīñ bharosa ḳhudā bachā.e ki ishq meñ jaan par banī hai

'ehrām' zindagī kā bharosa nahīñ koī
kuchh to ziyān-o-sūd se aage kī baat kar

manzil se hai ye kaisī aqīdat ki safar meñ
raahī koī raste pe bharosa nahīñ kartā

bharosa naav pe rakhte to phir ham Dolte rahte
rifāqat lahroñ se patvār na karte to kyā karte

kyā bharosa hai tire lutf-o-karam kā ai dost
jis tarah sāya-e-dīvār huā yā na huā