Collections

Lab Shayari

Motivational Ghazals

Best Khamoshi Shayari

More Collections

Tags-Bharosa

bharosa jaise jaise baḌh rahā hai
ka.ī partoñ meñ vo khulne lagī hai

subah se raat tak ghar mein baTi hai

vo kis bharosa par ummīd-vār ho terā
tirī nazar pe jise e.atibār ho na sakā

mazaq-e-ishq se main sharmsar ho na saka

ġhairoñ pe e'tibār to hai baat duur kī
apnā bhī ho sake to bharosa na kījiye

had se guzar na jaun main aisa na kijiye

chamakte chāñd-sitāroñ kā kyā bharosa hai
zamīñ kī dhuul bhī apnī uḌaan meñ rakhnā

safar ko jab bhi kisi dastan mein rakhna

kashmakash meñ huuñ karūñ tark-e-ta.alluq kaise
us sitamgar pe mire dil ko bharosa bhī to hai

ye na socha tha kaDi dhup se rishta bhi to hai

kyā bharosa hai zindagī kā 'asar'
roz jiite haiñ roz marte haiñ

jaane kyun log gham se Darte hain

yā tarīq-e-dost-dārī par bharosa hī na kar
yā fareb-e-dostī ke sehr ko bātil samajh

dard-o-gham ko hasti-e-kam-maya ka hasil samajh

kab bhaTak jaa.e 'āftāb' husain
aadmī kā koī bharosa nahīñ

kab bhaTak jae aaftab husain

jin charāġhoñ par bharosa thā unhoñ ne āḳhirash
sāzisheñ kar liiñ havāoñ se daġhā karte hue

ye to socha hi nahin usko juda karte hue

zindagī ho ki mohabbat ho shams'
aisī chīzoñ pe bharosa mat kar

ajnabi ban ke to guzra mat kar

us aane vaale kal kā kyā bharosa
jin agle chand lamhoñ kī ḳhabar na.iiñ

andheri shab diya jugnu qamar nain

hameñ ma.alūm hai ik din bharosa TuuT jā.egā
magar phir bhī sarāboñ meñ nadī ko jiite rahte haiñ

hamesha zindagi ki har kami ko jite rahte hain

us kī rahmat kā karishma hai bharosa merā
maiñ to tūfān meñ har samt kināra dekhūñ

jab bhi main raqs-kunan koi sitara dekhun

aazmā mat, bharosa kar mujh par
āzmāne meñ vaqt lagtā hai

gham chhupane mein waqt lagta hai

ham apne ḳhayālāt kī islāh kareñge
koshish to bahut kī hai bharosa hai ḳhudā par

ai dil na aqida hai dawa par na dua par

nā-ḳhudāoñ pe bharosa na Dubo de 'āmir'
qurb-e-sāhil jo tujhe degā ḳhudā hī degā

mana har shaKHs mere haq mein gawahi dega

bharosa hai ḳhudā kī rahmatoñ par
to kyuuñ phailā.eñ haath aage kisī ke

guzar jaenge ye din bebasi ke

ḳhudā kī zaat par rakkheñ bharosa
bharegā vo ḳhazāne har kisī ke

guzar jaenge ye din bebasi ke

ab to lafzoñ ke taqāzoñ kā bharosa na rahā
ik sivā tarz-e-ḳhamoshī ke asāsa na rahā

ab to lafzon ke taqazon ka bharosa na raha

ret kī dīvār ke saa.e meñ baiThā aadmī
aur saa.e par bharosa dil ke andar ret kā

samne mere hai duniya jyun samundar ret ka