Tags-Bharosa

va.ada-e-bāda-e-at.har kā bharosa kab tak
chal ke bhaTTī pe piyeñ jur.a-e-irfāñ kaisā

sabab vo shaam kā vo hī sahar kā
bharosa kyā kareñ aisī nazar kā

kyā bharosa hai us kā ai 'fārūq'
aan meñ kuchh hai aur aan meñ kuchh

fasīl-e-reg par itnā bharosa kar liyā tum ne
chhateñ bhī Daal diiñ aur vā darīcha kar liyā tum ne

va.adoñ ke jañgal meñ 'āzar' ham to barsoñ bhaTke haiñ
aap kareñ kyuuñ dil pe bharosa aap ye dhoka khā.eñ kyuuñ

har dam dam-e-āḳhir hai ajal sar pe khaḌī hai
dam-bhar bhī ham is dam kā bharosa nahīñ karte

hameñ ḳhudā pe bharosa hai nā-ḳhudā pe nahīñ
ḳhudā jo detā hai vo nā-ḳhudā nahīñ detā

Thahar kuchh din meñ dast-andāziyoñ kā vaqt aa.egā
nihāl-e-nau-damīda huuñ bharosa kyā mirī jaḌ kā

kyā bharosa hai zindagānī kā
jaane taqdīr meñ likhā kyā hai

bharosa ek marham kī tarah maujūd rahtā hai
agar ye paas ho to zaḳhm saarā suukh jaatā hai

ye mirī chiiz hai so is kā bharosa hai mujhe
ḳhud mire kaam na aa.egī masīhā.ī mirī

dāġh-e-dil ko raushan kar ġham kī raat hai lambī
sham.a kā bharosa kyā mah bhī bevafā sī hai

jab āñkhoñ kā ek bharosa Dhahtā hai
sapnoñ ke lākhoñ parḳhachche hote haiñ

is uljhan kā kyā koī hal hai
kyā maiñ apne qalam pe bharosa kar

ab to apnoñ pe bharosa na rahā
dost dushman ke qarīb aa pahuñche

jaane kyā soch ke us ne mujhe dīvāna kahā
haa.e us ko abhī mahfil pe bharosa bhī nahīñ

rañg be-rañg hoñ ḳhushbū kā bharosa jaa.e
merī āñkhoñ se jo duniyā tujhe dekhā jaa.e

sirf apne hī azā.em pe bharosa kar le
kaam koī bhī na ai qalb-e-hazīñ aa.egā

dīvāreñ chhoTī hotī thiiñ lekin parda hotā thā
tāloñ kī ījād se pahle sirf bharosa hotā thā

kyā bharosa hai unheñ chhoḌ ke lāchār na jā
bin tire mar hī na jaa.eñ tire bīmār na jā