Tags-Bharosa

nazar kā kyā hai bharosa nazar pe haiñ parde
ḳhayāl arsh pe jaatā hai dūr-bīnoñ kā

koī shahr aa rahā hai to ye ḳhauf aa rahā hai
koī jaane kab utar le ki bharosa kyā kisī kā

kyā bharosa kam huā be-e'tibārī baḌh ga.ī
tanz kā lahja dar aayā pyaar kī bātoñ ke biich

umr-bhar jin kī vafāoñ pe bharosa kiije
vaqt paḌne pe vahī log badal jaate haiñ

ishq-āsār zuleḳhāoñ kī is bastī meñ
sāhibo pākī-e-dāmāñ pe bharosa na karo

kyā chashm-e-ināyat kā tirī mujh ko bharosa
laḌ laḌ ke milī hai kabhī mil mil ke laḌī hai

kyā bharosa zindagī kā ham kareñ
aaj ham meñ jaan hai kal ho na ho

kab bhaTak jaa.e 'āftāb' husain
aadmī kā koī bharosa nahīñ

tirā ḳhār-o-ḳhas pe takiya mirā ishq par bharosa
mujhe barq se mohabbat tujhe ḳhauf-e-āshiyāna

'anīs' dam kā bharosa nahīñ Thahar jaao
charāġh le ke kahāñ sāmne havā ke chale

us kī chāhat pe bharosa hai mujhe mere sivā
vo kisī aur ko haqdār nahīñ kar saktā

husn to ho chalā zamāna-shanās
ishq kā bhī koī bharosa nahīñ

uThā kar roz le jaatā hai mere ḳhvāb kā manzar
vo mujh se roz kahtā hai bharosa kyuuñ nahīñ karte

apnī āñkheñ na sajānā kisī darvāze par
chashm-e-hairāñ ko bharosa nahīñ bīnā.ī kā

haañ umr kā saath nibhāne ke the ahd bahut paimān bahut
vo jin pe bharosa karne meñ kuchh suud nahīñ nuqsān bahut

sab ne paḌh rakkhā thā sach kī jiit hotī hai magar
thā bharosa kis ko sach par sach ko sach kahtā to kaun

nahīñ kuchh bharosa hameñ agle pal kā
nazar bhar ke tum ko sanam dekhte haiñ

kyā shaiḳh o barhaman pe kare koī bharosa
tasbīh registered na zunnār registered

jaisī guzrī hai ġhanīmat hai magar
zindagī terā bharosa bhī nahīñ

darpesh aa rahe haiñ vo hālāt āj-kal
apnoñ ko apnoñ par hī bharosa nahīñ rahā