Tags-Bharosa

ab lutf-o-karam par bhī bharosa nahīñ us ko
achchhā tirā bīmār kabhī ho nahīñ saktā

apnī hī nigāhoñ pe bharosa na rahegā
tum itnā badal jāoge sochā hī nahīñ thā

bhaa.ī ko hai bhaa.ī pe bharosa to bhalā hai
āñgan meñ bhī uTh jā.egī dīvār nahīñ to

na kar kisī pe bharosa ki kashtiyāñ Dūbeñ
ḳhudā ke hote hue nāḳhudā ke hote hue

kyā pata kab kisī rishte kā bharosa TuuTe
aise logoñ se na miliye jo hasad rakhte haiñ

kāġhaz ke bāl-o-par pe bharosa na kījiye
jaanā agar hai aap ko ūñchī uḌaan par

pyaar kartī hai magar phir bhī mukar saktī hai
kyā bharosa hai kisī aur pe mar saktī hai

zamāne par bharosa kar liyā hai
'nazar' tū ho gayā hai bāvlā kyā

ḳhudā hī phir bharosa hai ḳhudā hai nāḳhudā merā
vagarna maiñ bhañvar meñ huuñ mujhe sāhil se kyā nisbat

kyā bharosa mileñ vo yā na mileñ
ham ne ik aarzū kamā lī hai

jinheñ bharosa ho āsmāñ par vo āsmāñ se panāh māñgeñ
maiñ apne zarroñ se mutma.in huuñ maiñ chāñd-tāroñ kā kyā karūñgā

abhī na toḌo umīd-e-vafā ke phūloñ ko
mujhe to un kā bharosa thā zindagī ke liye

bharosa rakhnā tum merī vafā par
maiñ añgāroñ pe chalnā jāntī huuñ

agar hotā na kuchh ḳhud par bharosa
tumheñ ai 'dard' ham mahram banāte

ab irādoñ pe bharosa hai na tauba pe yaqīñ
mujh ko le jaa.e kahāñ tishna-labī shaam ke ba.ad

yuuñ mulāqāt kā ye daur banā.e rakhiye
maut kab saath nibhā jaa.e bharosa kyā hai

naav ḳhasta bhī na thī mauj meñ dariyā bhī na thā
paar utartā thā magar tujh pe bharosa bhī na thā

mujh meñ tashkīk bhī sar apnā uThā saktī hai
ai ḳhudā tujh pe bharosa to kiyā hai maiñ ne

jis ko agle bhī pal kā bharosa nahīñ
us ko bhī chāhiye shādmānī na.ī

unheñ bharosa do zindagī kā jinheñ mohabbat hai zindagī se
ajal ke ham naqsh-e-pā pe chal kar fanā kī had se guzar rahe haiñ