Tags-Bijli

jab bijlī kaḌ-kaḌ kaḌkegī
jab arz-e-ḳhudā ke ka.abe se

Dartā huuñ 'adam' phir aaj kahīñ sho.ala na uThe bijlī na gire
barbat kī tabī.at uljhī hai naġhmāt kī niyyat Thiik nahīñ

agar itnī hī sarkash hai to mujh pe kyuuñ nahīñ girtī
vahī bijlī jo merā ghar jalā kar lauT jaatī hai

kyā kyā na kāvishoñ pe mirī āsmāñ rahā
bijlī girā.ī mujh pe na jab āshiyāñ rahā

guuñj mire gambhīr ḳhayāloñ kī mujh se Takrātī hai
āñkheñ band karūñ yā kholūñ bijlī kauñde jaatī hai

jo pur hai jaam to kuchh ḳhauf-e-hādsāt nahīñ
hamāre paas bhī bijlī hai āsmāñ ke liye

us dil kī musībat kaun sune jo ġham ke muqābil aa jaa.e
kis ne ye kahā thā tinke se vo bijlī se Takrā jaa.e

agar bijlī kā Dar hogā to un ko
bulandī par hai jin kā āshiyāna

ġhazab huā unhīñ tinkoñ pe gir paḌī bijlī
jinheñ sambhāl ke rakkhā thā āshiyāñ ke liye

diloñ ko chhed do barbād kar do
dikhāo chamchagī bijlī girāo

jalvoñ kī anā toḌ ga.ī ek hī pal meñ
kachnār sī bijlī mere siine meñ uḌī thī

sun ke shāyad mirī chaap
tum nikal aa.ī thiiñ bijlī kī tarah

kyā batā.ūñ
kis tarah bijlī lapak kar taar se niklī

ishq-e-mahshar-ārā kī tuur par girī bijlī
husn-e-lan-tarānī ki rah sakā na chādar meñ

ye sāzish kar rahe haiñ chand tinke āshiyāne ke
ki bijlī ko kisī sūrat asīr-e-āshiyāñ kar leñ

chamkī bijlī sī par na samjhe ham
husn thā yā jamāl thā kyā thā

dam-ba-dam bijlī gire yā nahr-e-ḳhūñ jaarī rahe
iltiyām is siine kā kyā jo hai afgār-e-firāq

ab bijlī ke koḌoñ se havā
shamshīr-ba-kaf zanjīr-ba-pā

kaaT meñ bijlī se tīkhī baal se bārīk-tar
zindagī guzrī hai is talvār par chalte hue

bijlī kā naam sunte hī āñkheñ jhapak ga.iiñ
rokegī merī aah kī kyā ye nigāh choT