Tags-Bisaat

apnoñ ke liye jām-o-sahbā auroñ ke liye shamshīr-o-tabar
nard-e-insāñ Taptī hī rahī duniyā kī bisāt-e-tāqat par

ġhubār-e-rah-guzār-e-dahr meñ ālūdgī kab tak
mire zarrīñ tasavvur ko bisāt-e-kahkashāñ de de

jo ulaT chuke haiñ bisāt-e-dahr ko agle vaqtoñ meñ bārhā
vahī aaj gardish-e-baḳht hai vahī rañg-e-daur-e-qamar bhī hai

aañsū kī kyā bisāt magar josh-e-ishq ne
qatre ko mauj mauj ko tūfāñ banā diyā

kyā shām-e-ġham meñ dīda-o-dil par guzar ga.ī
un taaza vārdān-e-bisāt-e-kuhan se pūchh

bisāt be-jumbish aur be-his hai
apne mohroñ se lā-ta.alluq hai

1
bichhī huī hai bisāt kab se

bisāt par jo bhī hai
vo hone kī mohlatoñ meñ asiir

bisāt-e-sākit kī vus.atoñ meñ
zamīn ahl-e-zamīn aflāk ahl-e-aflāk

bisāt-e-sākit se koī shikva
na shātir-e-vaqt se gila hai

bisāt-e-ulfat hai vo nirālī jahāñ meñ jāñ-bāḳhta khilāḌī
juā bhī ye but jo khelte haiñ to dil kī kauḌī uchhālte haiñ

bichhā.ī hai jo kahīñ ishq ne bisāt apnī
kiyā hai us ne faqīroñ ko vāris-e-parvez

jo jāñ-bāziyoñ kī chale chaal us ko
bisāt-e-vafā par na ho maat hargiz

bisāt-e-ishq-bāzī meñ mirā dil
matā-e-sabr-o-naqd-o-hosh haarā

bisāt-e-dahr pe āsāñ nahīñ hai kuchh 'hirmāñ'
tirī nigāh ke aalam se āshnā honā

ye bisāt-e-ārzū hai is ko yuuñ āsāñ na khel
mujh se vābasta bahut kuchh daav par merā bhī hai

nāz-bardār-e-hunar ho ga.e ruḳhsat kab ke
ab bisāt-e-suḳhan-o-naġhma-o-ash.ār uThā

shab-e-visāl hai bisāt-e-hijr hī ulaT ga.ī
to phir kabhī ḳhayāl-e-māh-o-sāl bhī na aa.egā

bisāt-e-ajz meñ ik aah thī matā-e-hayāt
so vo bhī sarf-e-sitam-hā-e-rozgār huī