Tags-Chaand

aañkh kī raah se nikal aa.e
chāñd-rātoñ ke sard mah-pāre

shab-bhar jahāñ pighaltī rahī chāñd sī 'zamīr'
us shāḳh pe ba-shakl-e-dil ab tak nishāñ sā hai

ye duniyā chāñd par pahuñchī huī hai
tujhe lahore jaane kī paḌī hai

ḳhāmosh fazā.eñ dekhtī haiñ yā chāñd sitāre sunte haiñ
jab yaad mujhe tum aate ho jab tum ko pukārā kartā huuñ

chāñd sī peshāniyoñ par zarfishāñ lahroñ kā jaal
ahmarīñ uḌtā huā rañg-e-sharāb

munnī kī bholī bātoñ sī chaTkīñ tāroñ kī kaliyāñ
pappū kī ḳhāmoshī sharārat sā chhup chhup kar ubhrā chāñd

nīl-gagan meñ tair rahā hai ujlā ujlā puurā chāñd
maañ kī lorī sā bachche ke duudh kaTore jaisā chāñd

tum bhī likhnā tum ne us shab kitnī baar piyā paanī
tum ne bhī to chhajje uupar dekhā hogā puurā chāñd

pardesī suunī āñkhoñ meñ sho.ale se lahrāte haiñ
bhābī kī chheḌoñ sā bādal aapā kī chuTkī sā chāñd

mujh se pūchho kaise kaaTī maiñ ne parbat jaisī raat
tum ne to godī meñ le kar ghanToñ chūmā hogā chāñd

hijr kā chāñd dahaktā huā añgāra sahī
magar is se bhī kahīñ shola fuzūñ hai merā

ki ek saa.e kī narm aahaT ne rāstoñ kā nasīb badlā
koī ta.alluq ke chāñd lahje meñ apne-pan kī adā se bolā

zindagī hañsne lagī parchhā.iyoñ ke shahr meñ
chāñd kyā ubhrā ki sab manzar suhāne ho ga.e

aao maujoñ se pūchh kar aa.eñ
chāñd kin sāhiloñ meñ rahtā hai

phir vahī kahne lage tū mire ghar aayā thā
chāñd jin chaar gavāhoñ ko nazar aayā thā

sūraj din bhar zahr ugaltā rahtā hai
chāñd kā zo.am bhī raat ke andar ruk jaatā hai

sūraj ko hathelī pe lakīroñ kī tamannā
ab chāñd kī thālī meñ kiran hai na diyā hai

jaate hī un ke 'saif' shab-e-ġham ne aa liyā
ruḳhsat huā vo chāñd sitāre chale ga.e

shauq ke haath bhalā chāñd ko chhū sakte haiñ
chāñdnī dil meñ rahe ye bhī sharaf kyā kam hai

chhupā.e phirne se kab ishq-o-mushk chhupte haiñ
chaḌhegā chāñd to sab ko nazar bhī aa.egā