Collections

Lab Shayari

Motivational Ghazals

Best Khamoshi Shayari

More Collections

Tags-Chaand

ab vo ḳhud ko samajhte haiñ sūraj
jin sitāroñ kā chāñd maamā thā

aur taaruf hamara ho bhi kya

raat jab guzrī to phir sub.h-e-hinā rañg huī
chāñd kī tarah mirā aks ḳhayālī niklā

ghaar se sang haTaya to wo Khaali nikla

bhuuk meñ ishq kī tahzīb bhī mar jaatī hai
chāñd ākāsh pe thālī kī tarah lagtā hai

bhuk mein ishq ki tahzib bhi mar jati hai

raat bistar pe khule chāñd meñ sotā thā koī
maiñ ne chāhā ki jagā.ūñ to jagāyā na gayā

manzar-e-subh dikhane use laya na gaya

phūloñ kā lams chāñd kī ThanDak bhī hech hai
vo ḳhush badan to aap hī apnī misāl hai

qillat KHulus ki hai mohabbat ka kal hai

hameñ har aane vaalā zaḳhm-e-tāza de ke jaatā hai
hamāre chāñd sūraj aur sitāre ek jaise haiñ

yahan mausam bhi badlen to nazare ek jaise hain

kisī kā hijr muassar hai is qadar 'āfāq'
ki chāñd baam pe aane kī justujū karegā

sukut toDega aankhon ko aabju karega

chāñd apnī vus.atoñ meñ gum-shuda rah jā.egā
ham na hoñge to kahāñ koī diyā rah jā.egā

chand apni wusaton mein gum-shuda rah jaega

chāñd meñ darvesh hai jugnū meñ jogī
kaun hai vo aur kis ko khojtā hai

chand mein darwesh hai jugnu mein jogi

vo tum vo maiñ vo lab-e-jū vo raat aur vo chāñd
ye ek ḳhvāb hī kitnā bhalā sā lagtā hai

na jaane kaun hai dekha hua sa lagta hai

hunar vo hai ki jiyūñ chāñd ban kar āñkhoñ meñ
rahūñ diloñ meñ qayāmat kī tarah barpā maiñ

na sah sakunga gham-e-zat go akela main

dikhā ke ek jhalak chāñd ho gayā ojhal
chaḌhā na thā ki ye dariyā utar gayā kaisā

badan ki aanch se chehra nikhar gaya kaisa

tumheñ to chāñd banñā hai mirī tārīk rātoñ kā
sitāra tum nahīñ banñā sitārā TuuT jā.egā

khulegi nind KHwabon ka gharaunda TuT jaega

kho diyā hai charāġh bhī 'afzal'
chāñd tāroñ kī aarzū kar ke

tere jalwon ko ru-ba-ru kar ke

raat kā añdherā hī raat meñ nahīñ hotā
chāñd aur sitāre bhī āsmāñ meñ nikleñge

jab bayan karoge tum hum bayan mein niklenge

hamāre daur kī tārīkiyāñ miTāne ko
sahāb-e-dard se ḳhushiyoñ kā chāñd ubhrā hai

saja saja sa nae mausamon ka chehra hai

girnī thī ham pe barq-e-tajallī na tuur par
dete haiñ baada zarf-e-qadah-ḳhvār dekh kar

چرخ تک دھوم ہے کس دھوم سے آیا سہرا

ab chāñd kā armāñ bhī sar-e-shām nahīñ hai
āñkhoñ ke jharoke bhī shikāyat nahīñ karte

ek hum hain gila karne ki himmat nahin karte

merā chāñd nikalne ko thā
shaam se pahle raat na aa.ī

lab par dil ki baat na aai

chāñd ko maiñ chhū nahīñ paayā magar
ḳhvāb sab mere sunahre ho ga.e

chalte chalte sal kitne ho gae