Tags-Chaand

muñh chāñd us pe zulf-e-rasā sar se paañv tak
kyuuñ loT-poT ho na adā sar se paañv tak

chehra vo aañkh meñ hai dil kā qarār 'fārūq'
paanī meñ chāñd utrā bachcha bahal rahā hai

ai chakvāl se aane vaalo kuchh to hāl-ahvāl kaho
phuul se aariz chāñd se chehre tum ne bhī dekhe hoñge

saarā jahāñ hai chāñd kī kirnoñ se sīm-gūñ
chhāyā hai dahr par shab-e-mahtāb kā fusūñ

bhaTak rahe the ḳhalāoñ meñ chāñd-tāre jo
tirī talāsh meñ saare utar ke aa.e haiñ

tīrgī ke ghane hijāboñ meñ
duur ke chāñd jhilmilāte haiñ

bane haiñ kitne chehre chāñd sūraj
ġhazal ke isti.ārātī ufuq par

kis kī jabīñ pe haiñ ye sitāre araq araq
kis ke lahū se chāñd kā dāman hai daaġh daaġh

saarā mausam badal chukā thā phuul bhī the aur aag bhī thī
raat ne jab ye svāñg rachāyā chāñd bhī ruup badalne lagā

har ik ġhazal meñ maiñ rozāna chāñd Tāñktā huuñ
sitāre chūmte haiñ shab utar utar ke mujhe

dil kī rāhoñ meñ ba-har-sūrat rahī ik raushnī
chāñd tere dard kā baḌhtā bhī thā ghaTtā bhī thā

mujh ko maujūd to har moḌ pe vo lagtā hai
chāñd tāroñ kī nigārish se ayaañ ho ki na ho

aur ye merā vahm nahīñ
ki prithvī par kahīñ jab chāñd

jab bhī lahrā.egī palkoñ pe tirī yaad kī shaam
dil kī vaadī meñ nayā chāñd utar aa.egā

nīm-shab chāñd ḳhud-farāmoshī
mahfil-e-hast-o-būd vīrāñ hai

sitāre so rahe haiñ āsmāñ ko god meñ thak kar
mujhe ab chāñd ke manzar dikhā.ī kyoñ nahīñ dete

dekhā nahīñ vo chāñd sā chehrā ka.ī din se
tārīk nazar aatī hai duniyā ka.ī din se

ye āb-dīda Thahar jaa.e jhiil kī sūrat
ki ek chāñd kā TukḌā nahānā chāhtā hai

ammāñ baajī kahtī haiñ
chāñd meñ pariyāñ rahtī haiñ

vahī bujhāte haiñ phū.koñ se chāñd tāroñ ko
ki jin kī shab ke ujāloñ kī ham duā māñgeñ