Tags-Chaand

kabhī chāñd par kabhī phuul meñ kabhī ḳhaak meñ
mujhe yuuñ na bhej kahīñ kahīñ mire saath chal

unhī ke yaad meñ rahtā hai chāñd bhī shādāñ
vo jin kī ḳhushbū abhī tak hai mere gaañv meñ

āsmāñ chāñd se ḳhālī huā
aur ab koī sitāra bhī to raḳhshanda nahīñ

āsmāñ TuuTā huā chāñd
hathelī pe liye hañstā hai

na chhat pe chāñd Tikegā na raat Thahregī
har ek ḳhvāb ko āñkhoñ meñ mat sajāyā kar

rūThī huī hai chāñd se ik chāñdnī dulhan
be-nūr hai ye tāroñ kī bārāt in dinoñ

bahut thoḌe se dinoñ ke liye
hameñ ek kashtī ek chāñd

go zehn ko ma.alūm hai ab saarī haqīqat
ab bhī magar is dil se bañdhī chāñd kī zanjīr

tairtī rahtī hai āñkhoñ meñ tū har shab aise
jaise dariyā meñ koī chāñd utar jaatā hai

dil meñ jab kabhī terī yaad so ga.ī hogī
chāñd bujh gayā hogā raat ro paḌī hogī

qumqumoñ kī raushnī meñ bhī nazar aatā hai chāñd
gaañv meñ merā purānā ik shanāsā hai abhī

baam par chāñd thā magar phir bhī
chāñdnī meñ jamāl kis kā thā

chāñd us ghar ke darīchoñ ke barābar aayā
dil-e-mushtāq Thahar jā vahī manzar aayā

muddat se hai āvāra-e-aflāk mirā fikr
kar de ise ab chāñd ke ġhāroñ meñ nazar-band

maut ik vāhima hai nazroñ kā saath chhuTtā kahāñ hai apnoñ kā
jo zamīñ par nazar nahīñ aate chāñd tāroñ meñ jagmagāte haiñ

chāñd se maañd sitāroñ ne kahā āḳhir-e-shab
kaun kartā hai vafā ahd-e-vafā āḳhir-e-shab

koī chāñd zīna-e-abr se
utar aa.e aur mujhe thaam le

husn-e-jānāñ kā haal kuchh yuuñ hai
chāñd Dhalte shabāb kī sūrat

siyāhī-e-shab-e-hijrāñ siyāh-tar na karo
jo ho to chāñd kā mere gahan gulābī ho

bahār aa.ī hai phir pairahan gulābī ho
vo chāñd aa.e sar-e-anjuman gulābī ho