Tags-Chaand

tum āsmāñ kī taraf na dekho
ye chāñd ye kahkashāñ ye taare

ek diyā raushan rakhnā dīvār pe chāñd sitāroñ sā
abr uThe bārish barse yā havāoñ kā lashkar aa.e

chāñd niklā to mirī zaat ko andāza huā
us ne chupke se mirā naam liyā ho goyā

rindoñ ke dam se shaiḳh huā chāñd iid kā
aatā hai va.az karne ko kam kam bahut hī kam

chashm kī jhiil meñ vo aks utar jaa.e phir
shab to aadhī ho magar chāñd ko puurā dekhūñ

chāñd sūraj hue āmne-sāmne
imtihāñ sāgaroñ kā rahā aaj phir

le ke āġhosh meñ chāñd ko āsmāñ
muñh zamīñ ko chiḌhātā rahā aaj phir

sabz hai pairahan chāñd kā aaj phir
rañg-e-rukHsār hai surḳh sā aaj phir

chāñd-tāroñ kā safar 'rāhī' kareñge ek din
kā.enāt-e-be-karāñ ab zer-e-pā hone ko hai

baiThā jo dil to chāñd dikhā kar kahā 'qamar'
vo sāmne charāġh hai manzil liye hue

bas ek raat mire ghar meñ chāñd utrā thā
phir is ke baad vahī maiñ vahī añdherā thā

na jaane chhat pe kyā dekhā thā 'alvī'
bechārā chāñd piilā ho hai

rahā hai dhyān meñ ik jism chāñd sā 'ja.afar'
huī vahāñ hai shab-e-māhtāb mere liye

gale milā na kabhī chāñd baḳht aisā thā
harā-bharā badan apnā daraḳht aisā thā

chāñd Thahrā sā havā band sī patte chup se
so rahe jā ke kahīñ pyaar jagāne vaale

mahtāb kī sāñsoñ meñ tavāzun na rahā thā
is chāñd ne ik raat jo chamkā.ī thī apnī

hijrāñ kī shab jo dard ke maare udaas haiñ
un kī nazar meñ chāñd sitāre udaas haiñ

in chāñd sitāroñ ke bikhre hue shahroñ meñ
in nuur kī kirnoñ kī Thahrī huī nahroñ meñ

ye raas rañg ye mel milan ik haath meñ chāñd ik meñ sūraj
ik raat kā mauj maza saarā ik din kā sair-sapāTā hai

ik shaam sī kar rakhnā kājal ke karishme se
ik chāñd sā āñkhoñ meñ chamkā.e hue rahnā