Tags-Chaand

ek parī kī zulfoñ meñ yuuñ phañsā huā hai chāñd
ham ko lagtā hai bādal meñ chhupā huā hai chāñd

raat kā husn bhalā kab vo samajhtā hogā
chāñd be-faiz añdheroñ meñ nikaltā hogā

ik chāñd chamak kar chalā gayā phir kitnī ghaḌiyāñ guzar ga.iiñ
mujh ko to kuchh bhī ḳhabar na thī kab raat huī kab sahar huī

jab tīrgī meñ chāñd sitāre bhī gum hue
palkoñ ke shāmiyāne meñ jugnū kahāñ se aa.e

aañkh khulte hī na vo thā na charāġhāñ na ḳhumār
raat guzrī thī kisī chāñd se mehmāñ ke qarīb

shauq-e-āvāra yūñhī ḳhāk-basar jā.egā
chāñd chupke se kisī ghar meñ utar jā.egā

chāñd par jaane kā muzhda sun kar
apnā bhūlā huā ghar yaad aayā

aañkh kī jhiil meñ kohrām se aa.e hue haiñ
chāñd Dhalne ko hai aur shaam se aa.e hue haiñ

chāñd ojhal ho gayā har ik sitārā bujh gayā
āñdhiyāñ aisī chalīñ phir dil hamārā bujh gayā

sunā hai chāñd niklā thā
sunā hai raunaqeñ thiiñ kūcha-o-bāzār meñ har sū

sunā thā chāñd niklegā
sunā thā eid aa.egī

ham na kahte the ki naqsh us kā nahīñ naqqāsh sahl
chāñd saarā lag gayā tab nīm-ruḳh sūrat huī

maiñ ik zamīn banā ghūmtā thā jis ke sabab
vo ek gul thā mire chāñd par jo khiltā thā

hamrāh chāñd ke to sitāroñ kā hai hujūm
sūraj ke saath koī sharīk-e-safar nahīñ

mahloñ meñ ham ne kitne sitāre sajā diye
lekin zamīñ se chāñd bahut duur ho gayā

sakhī aa chāñd kī jānib phlāñge
kaTahre rañg ke kirnoñ ke ziine

tanhā.ī meñ akasr maiñ sochā kartā huuñ
sūraj chāñd sitāre kyā haiñ aur maiñ kyā huuñ

ab añdhere hī añdhere haiñ galī-kūchoñ meñ
chāñd-tāroñ ne mire shahr se hijrat kī hai

ik zamīñ kā chāñd phir hogā darīchoñ se tulūa
āsmāñ kā chāñd chhup jā.egā jab ashjār meñ

chāñd ko rok diyā maiñ ne in hāthoñ meñ 'suhail'
tum mujhe rok lo jaadū ye dikhāo tum bhī