Tags-Chaand

vo chāñd kah ke gayā thā ki aaj niklegā
to intizār meñ baiThā huā huuñ shaam se maiñ

'prem' is yug kī sāl-girah par aur bhalā kyā tohfa dete
chāñd kī dilkash dhartī se bhī ham ne DhūñDh nikāle patthar

tumhāre husn se kyā rutba māh-e-kan.āñ ko
vahī to chāñd jise Dūbne ko chaah mile

ye kyūñkar munfarid hotā hai ye uslūb-e-ġhazal terā
zamīñ ke rañg jaisā chāñd ke ruḳhsār jaisā hai

nanhe munne bachche bhī kyā chāñd nagar meñ rahte haiñ
cricket tennis khelte haiñ kyā schōloñ meñ paḌhte haiñ

āñkhoñ meñ bas gayā koī bāñhoñ se duur hai
chāhā hai chāñd ko yahī apnā qusūr hai

chashma-e-ḳhūñ meñ Duub ga.ī bārāt suhāne tāroñ kī
bojhal palkoñ par gahnā yā chāñd mirī tanhā.ī kā

dil bhī dāġh-e-naqsh-e-kuhan se bujhā huā thā
chāñd ke gird bhī ik haala sā banā huā thā

eid kā chāñd jo dekhā to tamannā lipTī
un se taqrīb-e-mulāqāt kā rishta niklā

falak ke chāñd sitāroñ meñ raushnī kam hai
mujhe to lagtī hai is meñ ḳhatā udāsī kī

din se bichhḌī huī bārāt liye phirtī hai
chāñd tāroñ ko kahāñ raat liye phirtī hai

aur kuchh der meñ luT jā.egā har baam pe chāñd
aks kho jā.eñge ā.īne taras jā.eñge

raat ko sone se pahle
mujh se nanhā kah rahā thā chāñd lākhoñ miil kyūñkar duur hai

dil-e-'ehsās' meñ jo rūh-e-tajallī hai nihāñ
chāñd tāroñ meñ kahāñ us kī jhalak hai saaqī

shāh-balūt ke uupar dekh
chāñd dharā hai thālī par

hamārā pyaar to thā chāñd aur chakore sā
tumhārā ishq hī gul se magas kā rishta thā

mom kā chāñd hathelī pe liye phirtā huuñ
shahr meñ dhuup kā mela nahīñ dekhā maiñ ne

chāñd mashriq se nikaltā nahīñ dekhā maiñ ne
tujh ko dekhā hai to tujh sā nahīñ dekhā maiñ ne

mahtāb se kahtā hai mirā chāñd kā TukḌā
ruḳhsār tirā saaf hai yā gaal hamārā

chāñd utar aayā hai mere ḳhvāboñ kī añgnā.ī meñ
ghūñghaT vaalī raat kā jaadū dil pe chalā hai pahlī baar