Tags-Chaand

vo chāñd aur kisī āsmāñ pe raushan hai
siyāh raat hai us kī galī meñ jaanā kyā

jalvoñ se jis ke chāñd sitāroñ meñ thī ziyā
ab vo hasīñ nahīñ to sitāroñ ko kyā karūñ

ik nadī ke kināre base gaañv meñ guzrā bachpan mirā chāñd kī chhāñv meñ
ham baḌe jab hue ajnabī ho ga.e dil ke mandir kī sab deviyāñ so ga.iiñ

tabhī to peḌ kī āñkhoñ meñ chāñd bhar aayā
kisī ne kah diyā hogā ki shaam āḳhirī hai

ik kiran aflāk se aatī huī
ik añdherā chāñd par baiThā huā

chamaktā chāñd-chehra sāmne thā
umañgeñ bahr thiiñ bekal rahī haiñ

tū na aa.egā to ho jā.eñgī ḳhushiyāñ sab ḳhaak
iid kā chāñd bhī ḳhālī kā mahīna hogā

hazāroñ chāñd sitāre chamak ga.e hote
kabhī nazar jo tirī mā.il-e-karam hotī

raat hai jism hai bistar hai falak pahlū meñ
chāñd niklā hai ki shamshīr nikal aa.ī hai

falak ke chāñd tāroñ se raqābat bhī nahīñ lekin
kiyā dāman ko ḳhud rashk-e-qamar āhista āhista

chāñd chaḌhtā dekhnā behad samundar par 'munīr'
dekhnā phir bahr ko us kī kashish se jāgtā

dil thoḌī hai, chāñd hai vo
lauT aa.egā raat lage

vo parī ek din chhoḌ kar jo mujhe
chāñd par jā.egī maiñ kidhar jā.ūñgā

shab-e-ġham dāġh-e-dil kī sham.a jalā
chāñd-tāroñ kā intizār na kar

duur shāḳhoñ ke jhurmuT meñ jugnū bhī gum ho ga.e
chāñd meñ so ga.ī chāñdnī so raho so raho

abr jhukā hai chāñd ke gore mukhḌe par
chhoḌo laaj lago dil se muñh moḌo mat

rut matvālī chāñd nashīlā raat javān
ghar kā āmad-ḳharch yahāñ to joḌo mat

jis se rahtī thī munavvar ye zamīñ
āsmāñ vo chāñd taare kyā kiye

ye chāñd biite zamānoñ kā aa.ina hogā
bhaTakte abr meñ chehra koī banā hogā

ab to ai chāñd baam par aa jā
chāñdnī aa ga.ī hai bāloñ meñ