Tags-Chaand

hasīn raat kiran chāñd kī hinā kī mahak
milā ke ab terī tasvīr kar rahā huuñ maiñ

abhī rūThā huā hai chāñd ham se
haTegā abr to chehra lagegā

chāñd bādal maiñ chhup ke nahīñ rah sakā
haule haule vo bāhar ghaTā se chalā

chāñd ziyāda raushan hai to rahne do
jugnū-bhayyā jī mat bhārī kiyā karo

dasht-e-nazar se itne bagūle uThe 'rashīd'
ik muskurāte chāñd kā chehra bhī aT gayā

chāñd bhī bujhā Daalā dil dukhāne vāloñ ne
kuchh uThā nahīñ rakkhā dil dukhāne vāloñ ne

shaboñ meñ tujh se rahī merī guftugū kyā kyā
dinoñ meñ chāñd tire naqsh-e-pā se kuchh na kahā

us ne mere naam sūraj chāñd taare likh diyā
merā dil miTTī pe rakh apne lab rotā rahā

raat āñgan meñ utrī nahīñ chāñdnī
chāñd shāḳhoñ meñ uljhā huā rah gayā

chāñd
ākāsh ke gahre niile samundar meñ tāroñ kī indar-sabhā se

ye chāñd-sitāroñ kī mahfil ma.alūm nahīñ kab raushan ho
tum paas raho tum saath raho jazboñ meñ kasak aa jā.egī

Duubā ġharīb chāñd to agnī baras paḌī
vo dhuup chamchamā.ī ki chehre utar ga.e

chāñd kyuuñ abr kī us mailī sī gaThrī meñ chhupā thā
ḳhuun se luthḌī huī raat ke rahgīroñ ne do zaanū pa gir kar,

chāñd kyuuñ abr kī us mailī sī gaThrī meñ chhupā thā
us ke chhupte hī utar aa.e the shāḳhoñ se laTakte hue

chāñd kyuuñ abr kī us mailī sī gaThrī meñ chhupā thā
us ke chhupte hī añdheroñ ke nikal aa.e the nāḳhun

maiñ ne baḌhā ke haath use chhū liyā 'rashīd'
itnā qarīb aaj mire chāñd aa gayā

jinheñ bharosa ho āsmāñ par vo āsmāñ se panāh māñgeñ
maiñ apne zarroñ se mutma.in huuñ maiñ chāñd-tāroñ kā kyā karūñgā

aql-e-insānī kī jis din intihā ho jā.egī
ḳhatm hote chāñd sūraj kā safar dekheñge log