Tags-Chaand

chāñd nikhrā hai tirī lauh-e-jabīñ kī sūrat
raat bikhrī hai tirī zulf-e-pareshāñ kī tarah

chupke se raat aa ke mire ghar ke sahn meñ
ik chāñd mere ḳhvāb kī ta.abīr de gayā

chāñd sukūñ to detā hai
zad se bāhar hai to kyā

chāñd us kā āsmāñ us kā sar-e-shām-e-visāl
jis pe saaya ho tirī zulf-e-sitāra-gīr kā

baat phailī shafaq kināroñ tak
chāñd-tāre ajal ga.e kitne

raat thī aur koī saath na thā
chāñd bhī duur khaḌā hañstā thā

us ko aadat hai ghane peḌ meñ so jaane kī
chāñd ko dīda-e-bedār na samjhā jaa.e

kaisā sūraj thā ki phir lauT ke aayā hī nahīñ
chāñd taare mirī rātoñ ke havāle kar ke

kidhar kā chāñd huā 'mehr' ke jo ghar aa.e
tum aaj bhuul paḌe kis taraf kidhar aa.e

vaqt-e-ruḳhsat to chamak apnī dikhānī hai mujhe
chāñd banñe se rahā sub.h kā taarā ho jā.ūñ

charāġh hāthoñ ke bujh rahe haiñ sitāra har rah-guzar meñ rakh de
utaar de chāñd us ke dar par siyāh din mere ghar meñ rakh de

dekh kar vaqt ke taġhayyur ko
chāñd sahmā huā hai tāroñ meñ

kahāñ haiñ terī zirheñ merī Dhāleñ
kahāñ vo chāñd hai jis kī talab meñ

chāñd pahle bhī ḳhūbsūrat thā
aaj bhī chāñd ḳhūbsūrat hai

chāñd bhī kambal oḌhe niklā thā
sitāre ThiThur raheñ the

dekhnā dil ke dar o dīvār par
chāñd chehroñ kā charāġhāñ dekhnā

tum naddī par jā kar dekho
jab naddī meñ nahā.e chāñd

chāñd kis mah-jabīñ kā partav hai
raat kis zulf kī hikāyat hai

jab ham donoñ judā hue the
us ne pahnī sarmā kī rātoñ meñ nikle chāñd kī saaḌī

haiñ intizār meñ taare bhī chāñd bhī vo bhī
sunā hai raat meñ sūraj nikālne vaalā hai