Tags-Chaand

ḳhvāb kī sūrat kabhī ham-rañg afsāna mile
chāñd jaise log ham se māhtābāna mile

cluff nahīñ hai nishāñ hai ye chāñd-mārī kā
hamāre chāñd ne lo chāñd par lagā.ī choT

safar-e-shab meñ to phir chāñd kī hamrāhī hai
kyā ajab ho kisī jañgal meñ saverā mujh ko

kāñTe se TūTte haiñ mire añg añg meñ
rag rag meñ chāñd jaltā huā zahr bhar gayā

vo havā kā chupke se jhāñknā kisī bhūle bisre madār se
kahīñ ghar meñ shahr kī zulmateñ kahīñ chhat pe chāñd kirā.e kā

chāñd kī raat kā jaadū
shaam Dhale ik aahaT dil meñ hotī hai!

chāñd Duube to chāñd hī nikle
aap ke paas hogā hal shāyad

haa.e vo mere ḳhayāloñ kī daraḳhshāñ vaadī
jaane kyuuñ chāñd sitāroñ kī tamannā kī thī

chāñd barse tasalliyoñ kī tarah
ghar meñ do-chār khiḌkiyāñ rakhnā

mirī ḳhatā hai ki maiñ ḳhvāhishoñ ke jañgal meñ
koī sitāra koī chāñd bo nahīñ paayā

chāñd mere sirhāne baiThā thā
aur baġhal meñ khaḌī huī thī niiñd

phir bāloñ meñ raat huī
phir hāthoñ meñ chāñd khilā

ban gayā halqa-e-zulmat jo paḌā aks-e-zamīñ
chāñd ne ḳhud to nahīñ baḌh ke gahan maañg liyā

chhup jaate haiñ āġhosh meñ sūraj kī hamesha
ye chāñd-sitāre kabhī rehlat nahīñ karte

is sarā.e se nikal aage baḌhoge jab bhī
chāñd tāroñ se pare apnā makāñ DhūñDoge

apne baare meñ sochne ke liye
duur se chāñd kā ishāra hai

ye pichhle pahar kā zard-rū chāñd
be-rāz o niyāz-e-āshnā.ī

jab ki sūraj thā pālne vaalā
chāñd se kyā lahū kā rishta thā

jo chāñd par gayā hai so hai vo bhī aadmī
jo gap uḌā rahā hai so hai vo bhī aadmī

ruḳh ko tumhāre chāñd se tashbīh de to deñ
gahnāyā māhtāb agar ho to kyā kareñ