Tags-Chaand

falak ke dāman pe chāñd taare nahīñ daraḳhshāñ to kyā 'nujūmī'
hazāroñ armāñ kā ḳhuun de kar maiñ shab ko rañgīñ banā rahā huuñ

jalva-e-ruḳhsār-e-sāqī sāġhar-o-mīnā meñ hai
chāñd uupar hai magar Duubā huā dariyā meñ hai

kahāñ vo chāñdnī rāteñ vo chāñd ke TukḌe
na ab vo ham haiñ na shakleñ haiñ mah-jabīnoñ kī

chhalkā sā paḌ rahā hai 'vasī' vahshatoñ kā rañg
har chiiz pe zavāl hai aur chāñd raat hai

har ik kalī ne oḌh liyā mātamī libās
har phuul pur-malāl hai aur chāñd raat hai

campus kī nahr par hai tirā haath haath meñ
mausam bhī lā-zavāl hai aur chāñd raat hai

dil toḌ ke ḳhamosh nazāroñ kā kyā milā
shabnam kā ye savāl hai aur chāñd raat hai

āñkhoñ meñ chubh ga.iiñ tirī yādoñ kī kirchiyāñ
kāñdhoñ pe ġham kī shaal hai aur chāñd raat hai

vo chaar chāñd falak ko lagā chalā huuñ 'qamar'
ki mere ba.ad sitāre kaheñge afsāne

dekh jugnū bhī tum se jalte haiñ
chāñd-nagrī kī chāñdnī ho tum

chāñd ne apnā diip jalāyā shaam bujhī vīrāne meñ
us kī bastī duur hai shāyad der hai us ke aane meñ

bastiyāñ chāñd sitāroñ kī basāne vaalo
kurra-e-arz pe bujhte chale jaate haiñ charāġh

anokhā lāDlā khelan ko māñge chāñd
kaisī anokhī baat re

chāñdnī husn kī achchhī hai magar naaz na kar
tujh ko is chāñd kā tārīk gahan yaad nahīñ

mere ghar kī chhat ke uupar sūraj aayā chāñd bhī utrā
chhat ke nīche ke kamroñ kī jaisī thī auqāt vahī hai

chāñd kā qurb lagā kaisā chalo pūchh aa.eñ
āsmānoñ ke safar se vo palaT aayā hai

masāfat-e-shab-e-hijrāñ meñ chāñd bhī 'ajmal'
thakan se chuur ġhamoñ se niDhāl ho gayā hai

lā.eq-e-hamd hai vo jis kī ziyā hai un meñ
kam-nazar chāñd sitāroñ kā parastār na ban

chāñd ubhrā na mire jism se saayā niklā
shām-e-ġham aa.ī to maiñ ghar se akelā niklā

chāñd meñ Dhalne sitāroñ meñ nikalne ke liye
maiñ to sūraj huuñ bujhūñgā bhī to jalne ke liye