Collections

Lab Shayari

Motivational Ghazals

Best Khamoshi Shayari

More Collections

Tags-Chaand

ai sanam jis ne tujhe chāñd sī sūrat dī hai
usī allāh ne mujh ko bhī mohabbat dī hai

ai sanam jis ne tujhe chand si surat di hai

aaj phir shab kā havāla tirī jānib Thahre
chāñd mazmūn bane sharh-e-kavākib Thahre

aaj phir shab ka hawala teri jaanib Thahre

chāñd tāroñ se kab talak āḳhir
terī bāteñ kiyā karūñ aa jā

ai meri zat ke sukun aa ja

chāñd ban kar chamakne vaale ne
mujh ko sūraj-misāl kar Daalā

chand ban kar chamakne wale ne

chāñd se kam na thī ham hijr ke māroñ ko
us shab-e-tār meñ mauhūm sī chiñgārī

ai dil-e-zar kahin nind na ho tari

ham-safar ho to koī apnā-sā
chāñd ke saath chaloge kab tak

ham-safar ho to koi apna-sa

falak ke chāñd-sitāroñ pe aa ga.ī raunaq
zamīñ se kis kā safar rū-e-āsmān huā

dilon pe chhane laga dhaDkanon ki jaan hua

ham charāġhoñ meñ chāñd tāroñ ke
aap kī raushnī samajhte haiñ

hasil-e-gham yahi samajhte hain

ek purānī rasm hai baaqī aaj talak darbāroñ meñ
chāñd se chehre chun dete haiñ patthar kī dīvāroñ meñ

nam hamara duniya wale likhenge ji-daron mein

qaid thā kyuuñ chāñd sadiyoñ se hisār-e-abr meñ
kyuuñ ujāloñ ne use poshāk pahnā.ī na thī

aisa lagta hai kisi gumbad se Takrai na thi

chāñd kī chaah meñ uḌte hue panchhī kī tarah
dil bhī nādāñ hai kisī shai pe machal saktā hai

ashk chashm-e-but-e-be-jaan se nikal sakta hai

be-nūr kar gayā koī duniyā ko 'soz' kī
vo chāñd chhup gayā vo sitāre nahīñ rahe

afsos kya jo hum bhi tumhaare nahin rahe

us chāñd kā paanī meñ bas aks utarnā hai
ik chāñd hai āñkhoñ meñ aur jhiil meñ paanī hai

aankhon mein ibarat hai aur dil mein kahani hai

niklā thā ban sañvar ke bahut chaudhvīñ kā chāñd
phir bhī vo tere ruḳh ke muqābil meñ rah gayā

kahna na mana kucha-e-qatil mein rah gaya

phir to ye ūñchā hī hotā jā.egā
bachpan ke hāthoñ meñ chāñd aa jaane de

apne sae ko itna samjhane de

chāñdnī ho bichhī aur chāñd ne ho khet kiyā
aur pahlū meñ ho vo mah-laqā koThe par

ban-sanwar kar ho jo wo jalwa-numa koThe par

terī manzil hai buland itnī ki har shām-o-sahar
chāñd-sūraj se tire dar ko salām aayā hai

raqs karti hai faza wajd mein jam aaya hai

chāñd-tāre gul-o-chaman mil kar
dil kī ik dāstāñ sunā na sake

yaad aati rahi bhula na sake

ye chāñd ye bahār kī rāteñ gavāh haiñ
ham ab bhī apne ghar meñ haiñ mehmān kī tarah

wo chehre jo the husn ke tufan ki tarah

naam ḳhushbū thā sarāpā bhī ġhazal jaisā thā
chāñd se chehre pe parda bhī ġhazal jaisā thā

nam KHushbu tha sarapa bhi ghazal jaisa tha