Tags-Chaand

hijr kī raat aur puurā chāñd
kis qadar hai ye ehtimām ġhalat

ghar kabhī thā vo hamārā bhī jidhar ke ham haiñ
kyā batā.eñ tumheñ kis chāñd-nagar ke ham haiñ

pighal kar gir rahe haiñ mere sar par chāñd taare
sunā hai āsmāñ kā shāmiyāna jal rahā hai

uf-re vo nazākat lahje kī bāteñ jo nikaltī haiñ muñh se
yā chāñd kī kirneñ hotī haiñ yā barf ke gaale hote haiñ

'sajjād' bhī malūl hai ki qāfila hai shaam kā
falak pe ek chāñd hai jo āḳhirī sahārā hai

sitār-gāñ kī bazm meñ udaas chāñd dekhnā
na-jāne kaisā ḳhvāb hai na-jāne kyā ishāra hai

soch kā aa.ina dhundlā ho to phir vaqt ke saath
chāñd chehroñ ke ḳhad-o-ḳhāl bigaḌ jaate haiñ

kis ġham meñ bikharte rahe ākāsh pe taare
kyuuñ chāñd pareshān pareshān thā kal shab

bhor-bha.e ākāsh se sūraj jaage to
chāñd sitāre kitne be-ghar lagte haiñ

kis shabāhat ko liye aayā hai darvāze pe chāñd
ai shab-e-hijrāñ zarā apnā sitāra dekhnā

hameñ to chāñd sitāroñ ko rusvā karnā thā
so jān-būjh ke ik roz Dhalnā bhuul ga.e

dekhtā huuñ to kabhī chāñd kabhī phuul hai vo
apnī sūrat mujhe azbar nahīñ hone detā

maiñ kahāñ raat kā musāfir thā
chāñd ḳhud aa ke bas gayā mujh meñ

falak ke chāñd ko chhūne kī zid meñ
'razā' jī par hamāre ug rahe haiñ

chāñd kyoñ jāgtā hai saath mire
raat ke baj rahe haiñ paune do

chāñd ko dekhte haiñ loTte añgāroñ par
tum ne kyuuñ kabk-e-darī ko ye chalan dikhlāyā

chāñd tāroñ ke tale haath meñ ḳhanjar thāme
muskurātī sī kahīñ ek divānī dekhī

chāñd kī kirnoñ meñ vo roz sā resham bhī nahīñ
chāñd kī chiknī Dalī hai ki ghulī jaatī hai

phīke phīke hue jab qarīb aa.e to
chāñd taare zamīñ par utāre hue

pāgal sā huā jaatā hai ḳhāmosh samundar
paanī pe baras jaate haiñ jab chāñd ke haale