Tags-Charagh

havā kā taḳht bichhātā huuñ raqs kartā huuñ
badan charāġh banātā huuñ raqs kartā huuñ

charāġh-e-fikr jalāyā hai raat bhar ham ne
aur us ke ba.ad nikhārā ruḳh-e-sahar ham ne

mirī aarzū ke charāġh par koī tabsira bhī kare to kyā
kabhī jal uThā sar-e-shām se kabhī bujh gayā sar-e-shām se

ab charāġh-e-aql gul karnī 'sirāj'
soz-e-dil señ ek yaahū bolnāñ

aa ga.ī yaad shaam Dhalte hī
bujh gayā dil charāġh jalte hī

ho barā-e-shām-e-hijrāñ lab-e-nāz se farozāñ
koī ek sham-e-paimāñ koī ik charāġh-e-va.ada

ye charāġh aur hai vo sitāra hai aur
aur aage jo ik hijr kā baab hai

umiid ḳhaak rakhī jaa.e ab ujāloñ kī
charāġh auñdhe paḌe haiñ ba-āstāna-e-shab

jal bujhī ek ek aas magar
gul hai raushan-charāġh meñ dil ke

dhuāñ dhuāñ sī fazā shahr-e-dil kī hai 'parvāz'
na.e charāġh jalāne kā intizām kareñ

mire pīchhe ye to muhāl hai ki zamāna garm-e-safar na ho
ki nahīñ mirā koī naqsh-e-pā jo charāġh-e-rāhguzar na ho

maiñ azal se sub.h-e-mahshar tak farozāñ hī rahā
husn samjhā thā charāġh-e-kushta-e-mahfil mujhe

hañs hañs ke kah rahā hai jalānā savāb hai
zālim ye merā dil hai charāġh-e-haram nahīñ

kahīñ ye ḳhvāb mirā zindagī na ban jaa.e
charāġh bujhtā huā raushnī na ban jaa.e

ḳhamoshī meñ nihāñ ḳhūñ-gashta lākhoñ ārzūeñ haiñ
charāġh-e-murdā huuñ maiñ be-zabāñ gor-e-ġharībāñ kā

lau de uThā charāġh-e-tamannā bujhā huā
guzrā ye aaj kaun idhar dekhtā huā

muddat se jal rahe haiñ yahāñ aas ke diye
bujhte charāġh ko bhī qamar kar rahī hai raat

misī par bhī dāġhoñ kā samra na paayā
charāġh ik lahad par jalāyā to hotā

koī havāoñ se kah do idhar kā ruḳh na kare
charāġh ham ne samajh-būjh kar jalā.e haiñ

tez bārish hai aur charāġh mirā
kaisā ghamsān is sipāh meñ hai