Tags-Charagh

apnī palkoñ pe sajā.e hue ashkoñ ke charāġh
kuchh to kahiye ki 'ra.īs' aap kidhar jaate haiñ

vo jā chukā hai rupahlī rutoñ ke saath magar
bhaḌak rahā hai abhī tak charāġh siine kā

kahūñ maiñ fiqara vo hai hañsī kā charāġh-e-mahfil kā hai falītā
chhuTā jo shamla hai shaiḳh jī kā ye un kī sheḳhī laTak rahī hai

paḌā hai kab se siyah-posh merā dasht-e-badan
charāġh is meñ jalā de kisī bhī hiile se

ragoñ meñ aaj bhī raushan haiñ surḳh-o-zard charāġh
ajiib shai the vo ishrat badan nashīle se

jo dil ke taaq meñ tū ne charāġh rakkhā thā
na pūchh maiñ ne use kis tarah sitāra kiyā

hai āftāb aur mire dil kā daaġh ek
dekhā to bazm-e-ishq meñ hai ye charāġh ek

kyā huā gar vā.iz-o-mullā ke dil haiñ be-charāġh
gosha-e-masjid meñ nanhā sā diyā bhī kam nahīñ

rahrav-e-shab kyuuñ charāġh-e-mah se daryūza-garī
raat añdherī ho to jugnū kī ziyā bhī kam nahīñ

raah meñ us kī jalā.e the umīdoñ ne charāġh
raushnī kī thī kidhar phail ga.ī chehre par

ajab charāġh huuñ din raat jaltā rahtā huuñ
maiñ thak gayā huuñ havā se kaho bujhā.e mujhe

us kā charāġh-e-murād rahiyo farozāñ mudām
dāġhoñ se dil ko mere jis ne charāġhāñ kiyā

saarī bastī meñ faqat merā hī ghar hai be-charāġh
tīrgī se aap ko merā patā mil jā.egā

dil charāġh-e-mahfil hai lekin us ke aane tak
baar baar bujhtā hai baar baar jaltā hai

batāo aisā bhī manzar nazar se guzrā hai
charāġh jalte raheñ aur raushnī na rahe

garmi-e-raftār se vo aag hai zer-e-qadam
mere naqsh-e-pā charāġh-e-rahguzar ho jā.eñge

ik udaas bastī meñ vaqt-e-shab maiñ gayā to aise makāñ the sab
na to khiḌkiyoñ meñ the māh-rū na charāġh un ke daroñ meñ the

ye shab to kyā sahar ko bhī shāyad nahīñ patā
maiñ āḳhirī charāġh huuñ sūraj ke shahr kā

sub.h tak phir bhī nahīñ bujhte haiñ āñkhoñ ke charāġh
jāntā huuñ ki pas-e-parda-e-shab kuchh bhī nahīñ

charāġh-e-zīst se utrī thī ek harf kī lau
jilau meñ apnī mirā iqtibās chhoḌ ga.ī