Tags-Charagh

guzar to saktī haiñ rāteñ jalā jalā ke charāġh
magar ye kyā ki añdhere ko raushnī samjho

pukārte haiñ ki dauḌo guzar na jaa.e ye daur
charāġh bujhte hue se jo rahguzār meñ haiñ

na jaane qāfile poshīda kis ġhubār meñ haiñ
ki manziloñ ke charāġh ab tak intizār meñ haiñ

bujhe haiñ kyuuñ charāġh-e-dil sabhī ke
havā ne kī hai koī dil-lagī kyā

uljhan sī hone lagtī hai mere charāġh ko
kuchh din muqāble pe jo us ke havā na ho

ilzām-e-tīrgī ke sadā us pe aa.e haiñ
jis ne charāġh apne lahū se jalā.e haiñ

charāġh-e-mah siiñ raushan-tar hai husn-e-be-misāl us kā
ki chauthe charḳh par ḳhurshīd hai aks-e-jamāl us kā

hameñ ḳhabar hai ki apne ghar ke charāġh koī ghaḌī haiñ lekin
hameñ yaqīñ hai ki raushnī kī naved sunñe talak jaleñge

kisī ke dast-e-hinā.ī kā lams raushan thā
koī charāġh na thā haath meñ chhupāyā huā

lahū kā hunar āzmāte raheñge
charāġh āñdhiy.oñ meñ jalāte raheñge

furqat kī shab meñ ziist ne apnī vafā na kī
qabl-e-sahar charāġh hamārā na baḌh gayā

jalā ke tāq-e-adam meñ masarratoñ ke charāġh
tū aarzū ke chamakte hue sarāb meñ aa

mufāhamat sī ajab ho ga.ī hai raat ke saath
charāġh maiñ ne jalāyā nahīñ bahut din se

rakhā kar haath dil par aah karte
nahīñ rahtā charāġh aisī pavan meñ

tasavvurāt ke hasrat-kade meñ kaun aayā
charāġh tā-had-e-ehsās jalte jaate haiñ

chaḌhtī hai roz chādar-e-gul jalte haiñ charāġh
ye Dher hai zarūr kisī barguzīda kā

ajab nahīñ ki diye se shikast khā ke bhī
charāġh-pā na huī ab ke bad-zabān havā

hasrateñ is pate par aatī haiñ
dāġh-e-dil hai charāġh manzil kā

charāġh is tīrgī meñ kab jalegā
ye shahr ābād haiñ par kab baseñge