Tags-Charagh

ye tīrgī-e-shab-e-vasl mujh se kahtī hai
charāġh-e-hijr ke bujhne kā hai malāl bahut

ye raat khā ga.ī ik ek kar ke saare charāġh
jo rah gayā hai vo bujhtā huā sā lagtā hai

bujhte hue charāġh farozāñ kareñge ham
tum aaoge to jashn-e-charāġhāñ kareñge ham

siine meñ be-qarār haiñ murda mohabbateñ
mumkin hai ye charāg kabhī ḳhud hī jal paḌe

mish.al ko charāġh-e-tah-e-dāmāñ na kareñge
jo daaġh haiñ siine meñ vo pinhāñ na kareñge

bastiyoñ ko diye haiñ tū ne charāġh
dasht-e-dil ko bhī koī raahī de

zamīn ruk ke chal paḌī, charāġh bujh ke jal ga.e
ki jab adhūre ḳhvāboñ kā hisāb likh rahe the ham

charāġh-e-gor na sham-e-mazār rakhte haiñ
bas ek ham ye dil dāġhdār rakhte haiñ

ye kaisī dil meñ hai ik zulmat-e-be-nām kyā kahiye
bujhā kyuuñ daf.atan az-ḳhud charāġh-e-shām kyā kahiye

ham ne utne hī sar-e-rāh jalā.e haiñ charāg
jitnī bargashta zamāne kī havā ham se huī

charāġh lākhoñ hoñ raushan nazar nahīñ aate
yahāñ to chehra-parastoñ ko ik diyā hai bahut

merī dīvāngī jalā.e charāġh
raushnī gum hai aur havā hai bahut

apnā banā ke ai sanam tum ne jo aañkh pher lī
aisā bujhā charāġh-e-dil phir ye kabhī jalā nahīñ

dhueñ meñ Duube haiñ phuul taare charāġh jugnū chīnār kaise
na.ī rutoñ ke uḌan khaToloñ pe aa rahe haiñ savār kaise

charāġh-e-ḳhufta charāġh-e-raushan se jagmagātā rahā hamesha
maqām-e-hastī ke in añdheroñ pe ḳhashmagīñ raushnī nahīñ hai

na hogā tai ye safar sirf raushan āñkhoñ se
charāġh-e-dil bhī jalā duur tak añdherā hai

charāġh-e-shab ne mujhe apne ḳhvāb meñ dekhā
sitāra-e-saharī ḳhush-nigāh mujh se huā

charāġh-e-māh ke bujhne pe ye huā mahsūs
nikhar ga.ī mirī shab tere gesuoñ kī tarah

taaq meñ rakkhe diye ko pyaar se raushan kiyā
us diye ko phir charāġh-e-rahguzar us ne kiyā

miltā hai har charāġh ko saayā zamīn par
rahtā nahīñ hai koī akelā zamīn par