Tags-Charagh

kuchh itne ġhaur se dekhā charāġh jaltā huā
ki maiñ charāġh ke andar dikhā.ī dene lagā

sitār-e-ḳhvāb se bhī baḌh kar ye kaun be-mehr hai ki jis ne
charāġh aur aa.ine ko apne vajūd kā rāz-dāñ kiyā hai

taaq meñ kab tak jalegā ye charāġh-e-intizār
is taraf shab-e-gasht logoñ kī sadā kab aa.egī

kisī kā rāġh-e-matālib kisī kā bāġh-e-murād
avaam ḳhalq ko manzūr hai charāġh-e-murād

shahr kī had bhī maap lī shaam bhī dil pe chhāp lī
ek charāġh aur ek baam ke ba.ad kuchh nahīñ

daur-e-māzī jab charāġh-e-yād se raushan huā
vaqt kī khultī huī har tah meñ afsāne mile

vahī charāġh vahī maiñ vahī fusūñ terā
har ek baar yūñhī tujh ko chāhte haiñ ham

bahār hai tire aariz se lau lagā.e hue
charāġh lāla-o-gul ke haiñ jhilmilā.e hue

kitnī umīdoñ ke charāġh raah meñ bujh ke rah ga.e
apne to paañv thak ga.e shauq-e-safar ko kyā karūñ

zamīñ ko mil ke sañvāreñ misāl-e-rū-e-nigār
ruḳh-e-nigār se raushan charāġh-e-bām kareñ

'bilqīs' ik charāġh sar-e-rāh kyā rakhā
bastī ke har makān hī meñ tabsire hue

ek fankār hai charāġh vahī
jis ko koī bujhā nahīñ saktā

aaj duniyā ke is añdhere meñ
jal rahe haiñ vahī charāġh jinheñ

jab yake-ba.ad-dīgre saare charāġh bujh ga.e
aap hī aap jal uThā ek diyā bujhā huā

ham ne to gul kiye the ḳhud apnī ummīd ke charāġh
aap ne kyuuñ jalā diyā ek diyā bujhā huā

maiñ vo charāġh sar-e-rahguzār-e-duniyā huuñ
jo apnī zaat kī tanhā.iyoñ meñ jal jaa.e

is ummīd pe roz charāġh jalāte haiñ
aane vaale barsoñ ba.ad bhī aate haiñ

aaj bhī shām-e-ġham! udaas na ho
maañg kar maiñ charāġh laatā huuñ

us ke jaane se mirā dil hai mire siine meñ
dam kā mehmān charāġh-e-saharī kī sūrat

ek charāġh aur ek kitāb aur ek ummīd asāsa
us ke ba.ad to jo kuchh hai vo sab afsāna hai