Tags-Charagh

le ke na.ī na.ī ġhazal aa hī ga.e 'farīd' ab
sun ai charāġh-e-anjuman terā zavāl ab nahīñ

maiñ raushnī huuñ maiñ ḳhushbū huuñ mujh ko dekho to
kahīñ charāġh kahīñ raat kī maiñ raanī huuñ

azal se le ke abad tak charāġh-e-fānī huuñ
havā ke dosh pe likkhī huī kahānī huuñ

fazā-e-tīra-shabī kā hisāb karnā hai
charāġh-e-shām tujhe māhtāb karnā hai

ḳhalvat meñ raushnī hai na mahfil meñ raushnī
ahl-e-vafā charāġh-e-vafā le kahāñ ga.e

bahut ujāḌe sahī umr kī sarā.e magar
shikasta taaq meñ ik yaad kā charāġh to hai

dam-e-sub.h bazm-e-ḳhush jahāñ shab-e-ġham se kam na thī mehrbāñ
ki charāġh thā so tū duud thā jo patañg thā so ġhubār thā

chamakne vaalī hai tahrīr merī qismat kī
koī charāġh kī lau ko zarā sā kam kar de

raushnī likh nahīñ saktā kisī qismat meñ charāġh
raat aatī hai to ehsān bahut kartā hai

maqbūl hoñge dahr meñ dāġh-e-jigar mire
un ko charāġh-e-rāh kiye jā rahā huuñ maiñ

hāla-e-tāq-e-talab meñ daf.atan
ik charāġh-e-ḳhush-gumāñ girne lagā

kahīñ raushan nazar aate nahīñ ab sar ke charāġh
arsa-e-jañg se vo ḳhud ko kahāñ le jaa.e

haram kī aabrū ham ne bahut rakhī phir bhī
ka.ī charāġh sanam-ḳhāne meñ jalā aa.e

itnā tilism yaad ke chaqmāq meñ rahā
raushan charāġh duur kisī taaq meñ rahā

vāpas jo nahīñ aa.egā meñ vo safarī huuñ
ai dost gale lag ki charāġh-e-saharī huuñ

abhī talak jo ḳhvāb the charāġh the gulāb the
vo rahguzar koī na thī ki jis pe tū milā nahīñ

maiñ ne āñkhoñ meñ chhupā rakkhe haiñ kuchh aur charāġh
raushnī sub.h kī shāyad na yahāñ tak pahuñche

jale charāġh bujhāne kī zid nahīñ karte
ab aa ga.e ho to jaane kī zid nahīñ karte

ghar ke charāġh ne aag lagā dī bastī meñ
maiñ sūraj dahlīz pe laane vaalā thā

havā-e-tund meñ Thahrā na āshiyāñ apnā
charāġh jal na sakā zer-e-āsmāñ apnā