Tags-Charagh

zaat kā ā.īna-ḳhāna
jis meñ raushan ik charāġh-e-ārzū

kahīñ ashkoñ ke diye haiñ na tabassum ke charāġh
log patthar ke hue jaate haiñ rafta rafta

tire baġhair vo shām-o-sahar nahīñ ai dost
koī charāġh sar-e-rahguzar nahīñ ai dost

ab bhī shagufta nuur se hai us ko rabt-e-ḳhās
vo jo mire charāġh kī izzat na kar sakā

ḳhayāl o ḳhvāb ke kyā kyā na silsile nikle
charāġh jalte hue āftāb Dhalte hue

vaañ rañg-hā ba-parda-e-tadbīr haiñ hunūz
yaañ shola-e-charāġh hai barg-e-hinā mujhe

nigār-e-sub.h kī ummīd meñ pighalte hue
charāġh ḳhud ko nahīñ dekhtā hai jalte hue

jise dast-e-zulm chhupā sake na havā-e-jaur bujhā sake
sar-e-rāh-e-manzil-e-zindagī vo charāġh ham ne jalā diyā

jalā.e jaate haiñ ab ghar meñ āñsuoñ ke charāġh
ajiib jashn-e-charāġhāñ hai kyā ġhazal kahiye

ajiib vāqi.a thā us ko apne ghar laanā
kabhī charāġh uThānā kabhī qamar laanā

dil ko jalā.e rakkhā hai ham ne charāġh sā
is ghar meñ ham haiñ aur tirā intizār hai

vo jo dāġh-e-ishq thā ḳhush-numā jo amānat-e-dil-e-zār thā
sar-e-bazm thā to charāġh thā sar-e-rāh thā to ġhubār thā

tire ḳhayāl kī lau hī safar meñ kaam aa.ī
mire charāg to lagtā thā ro.e ab ro.e

isī ummīd pe har shaam bujhā.e haiñ charāġh
ek taarā hai sar-e-bām ubharne vaalā

havā-e-ġhurbat kī lahr anfās meñ ravāñ thī
na.e safar kā charāġh sīnoñ meñ jal rahā thā

taslīm kar liyā hai jo ḳhud ko charāġh-e-haq
duniyā qadam qadam pe sabā.ī hai roiye

charāġh ro.e hai jagmag kiyā thā jin kā nasīb
vo log bhuul ga.e tāqche meñ dhar ke mujhe

rakhā hai bazm meñ us ne charāġh kar ke mujhe
abhī to sunñā hai afsāne raat bhar ke mujhe

kuchh is adā se ki koī charāġh bhī na bujhe
havā kī tarah guzar jaanā chāhte haiñ ham

nadī ke paar khaḌā hai koī charāġh liye
nadī ke paar utar jaanā chāhte haiñ ham