Tags-Charagh

hamāre saath purāne sharīk-e-ġham kī tarah
azāb-e-hijr ke sadme uThā rahā hai charāġh

vufūr-e-shauq meñ laila-e-shab ke chehre se
naqāb-e-zulf-e-pareshāñ uThā rahā hai charāġh

vo haath bhī yad-e-baizā se kam nahīñ 'ājiz'
jo ḳhāk-e-arz-e-vatan se banā rahā hai charāġh

lahū jalā ke ujāle luTā rahā hai charāġh
ki zindagī kā salīqa sikhā rahā hai charāġh

havā-e-dahr chalī hai baḌī ra.ūnat se
dayār ishq meñ koī jalā rahā hai charāġh

shab-e-siyāh kā aaseb Tālne ke liye
tamām umr sharīk-e-duā rahā hai charāġh

har moḌ ko charāġh-e-sar-e-rahguzar kaho
biite hue dinoñ ko ġhubār-e-safar kaho

mere āñgan ke muqaddar meñ añdherā hī sahī
ik charāġh ab bhī sar-e-rāhguzar merā hai

ḳhudī ko aa ga.ī hañsī umiid ke savāl par
añdhere tilmilā uThe charāġh kī majāl par

mujhe āgahī kā nishāñ samajh ke miTāo mat
ye charāġh jalne lagā hai is ko bujhāo mat

ab talak tund havāoñ kā asar baaqī hai
ik charāġh aur sar-e-rāhguzar baaqī hai

hai iḳhtilāf zarūrī tumheñ patā nahīñ hai
charāġh kaise jalegā jahāñ havā nahīñ hai

jaise kisī se vasl kā va.ada vafā huā
yuuñ sub.h-dam charāġh se sho.ala judā huā

junūñ ke dosh pe rakh kar charāġh-e-hastī ham
qazā ko DhūñDne mauj-e-ravāñ ke saath chale

phailī huī hai saarī dishāoñ meñ raushnī
lekin nahīñ charāġh kī chhāñv meñ raushnī

har aadmī ke qad se us kī qabā baḌī hai
sūraj pahan ke nikle dhuñdle charāġh yaaro

Tilism-e-tīrgi-e-shab kahīñ to TūTegā
koī charāġh kahīñ to jalā milegā mujhe

sozish dil se muft galte haiñ
daaġh jaise charāġh julte haiñ

TimTimāte rahe galī ke charāġh
raqs kartī rahī havā mujh meñ

hadaf pe muñh-zor āñdhiy.oñ ke faqat hamāre charāġh kab the
bikhar ga.e jab kisī gharauñde ke saare tinke to log samjhe