Tags-Charagh

havā ke ḳhauf se lo thartharātī rahtī hai
bujhe charāġh ko āñdhī kā Dar nahīñ hotā

sham-e-haram thā gaah gahe dair kā charāġh
maiñ zeb-e-kufr-o-raunaq-e-islām ho chukā

charāġh le ke use DhūñDne chalā huuñ maiñ
jo āftāb kī mānind ik ujālā hai

valvala-e-hayāt ke dil meñ ka.ī charāg the
vaqt ne sab bujhā diye ek hī phūñk maar kar

charāġh hāthoñ ke bujh rahe haiñ sitāra har rah-guzar meñ rakh de
utaar de chāñd us ke dar par siyāh din mere ghar meñ rakh de

vo jis meñ hadd-e-nazar tak charāġh jalte the
vo rāsta hī faqat darmiyān tak pahuñchā

kisī ko ab na satā.egī marg-e-nā-mālūm
charāġh-e-dār jale mausam-e-salīb aayā

raushan hai āftāb kī nisbat charāġh se
nisbat vahī hai aap meñ aur āftāb meñ

aamad pe terī itr o charāġh o subū na hoñ
itnā bhī būd-o-bāsh ko saada nahīñ kiyā

shab-e-ġham bhūle-bisre chand chehre
charāġh-e-qalb-e-muztar ban ga.e haiñ

tā-hashr zid meñ sub.h kī aatī rahegī shaam
gul hoñge jo charāġh jalātī rahegī shaam

fasurda dāġh-e-jigar dil-rubā nahīñ rahtā
charāġh ishq kā hargiz bujhā nahīñ rahtā

kyā havā-e-bahār taaza hai
kyā charāġh-e-sarā.e ibrat hai

maiñ muntazir huuñ to phir muntazar bhī aa.egā
charāġh-e-jāñ kī tarah rah-guzar meñ raushan huuñ

maiñ ne mahsūs kiyā hai to khulī haiñ āñkheñ
maiñ ne mahsūs kiyā hai to jale haiñ ye charāġh

maiñ ne mahsūs kiyā hai to khulī haiñ āñkheñ
maiñ ne mahsūs kiyā hai to jale haiñ ye charāġh

havā kī raah meñ jaltā charāġh hai 'rāhī'
vo kyā bujhegā jise raushnī ne paalā hai

yahī tazād to hairān karne vaalā hai
kahāñ charāġh rakhā hai kahāñ ujālā hai