Tags-Charagh

har ek kāñTe pe surḳh kirneñ har ik kalī meñ charāġh raushan
ḳhayāl meñ muskurāne vaale tirā tabassum kahāñ nahīñ hai

ye aarzū hai ki ab raushnī ke qisse haiñ
mire charāġh ko sūraj kā e.atibār mile

maiñ terā koī nahīñ phir bhī pūchh baiThā huuñ
ye āñsuoñ kī chamak hai ki chashm-e-tar meñ charāġh

tumhārā shahr mire gaañv se hai kitnā alag
yahāñ guloñ kī jagah khilte haiñ shajar meñ charāġh

jalā ke chhoḌ diyā kis ne bahte dariyā meñ
na ye bhī sochā ki aa saktā hai bhañvar meñ charāġh

maiñ raushnī ke ta.āqub meñ kuchh na dekh sakā
lagī vo Thes ki dhuñdlā ga.e nazar meñ charāġh

to ham bhī raat ke jañgal meñ so ga.e hote
na bante paañv ke chhāle agar safar meñ charāġh

har ek shaḳhs ko miltā kahāñ hai raushan haath
ki rab jalātā nahīñ dast-e-be-hunar meñ charāġh

dil-o-dimāġh meñ bharne lagā hai raat kā Dar
jalānā bhuul ga.e log rahguzar meñ charāġh

terā ḳhayāl tere nazāre tirā jamāl
kitne charāġh haiñ tah-dāmān-e-ārzū

koī charāġh bache sub.h tak to tārīkī
usī charāg-tale jal ke raakh ho jaa.e

TimTimāte hue dekhe haiñ sitāroñ ke charāġh
kahkashāñ se abhī insān kahāñ guzrā hai

be-nūr ho chalī haiñ tamannā kī bastiyāñ
kab tak charāg-e-yād-e-guzishta jalā.eñ ham

isī tazād meñ muzmar hai zindagī kā fusūñ
kahīñ charāġh bujhe aur kahīñ charāġh jale

vo but-kada thā jahāñ sar jhuke charāġh jale
ye mai-kada hai yahāñ ḳham uThe sharāb chale

havā charāġh bujhāne lagī to ham ne bhī
diye kī lau kī jagah terā intizār rakhā

havā-e-dāman-e-nikhat-fazā kā vāsta tum ko
zarā Thahro charāġh-e-zīst kī lau thartharātī hai

balā-e-tīra-shabī kā javāb le aa.e
bujhe charāġh to ham āftāb le aa.e

vo gul-andāz jin kā ḳhalq sarmāya thā jiine kā
vo ban ban kar charāġh-e-mahfil jaañ yaad aate haiñ

mire nasheman meñ shān-e-qudrat ke saare asbāb haiñ muhayyā
havā safā.ī pe hai muqarrar charāġh bijlī jalā rahī hai