Tags-Charagh

safar thā jab raushnī kī jānib to phir ma.āl-e-safar kā kyā ġham
charāġh kī tarah saarī shab shaan se jale sub.h bujh ga.e ham

ye pur-fareb sitāre ye bijliyoñ ke charāġh
javāb-e-jalva-e-ḳhurshīd ho nahīñ sakte

ai raat tere chāñd sitāroñ meñ vo kahāñ
bujhte hue charāġh kī lau meñ jo dard hai

dil-o-jigar haiñ ki garmī se pighle jaate haiñ
koī charāġh-e-tamannā jalā ke bhuul gayā

jis vaqt ham ne jhuum kar azm-e-safar
lākhoñ charāġh rāh-e-mohabbat meñ jal ga.e

tujh ko charāġh nahīñ kah saktā
kyūñki charāġh to shām-e-ġharībāñ ke sahrā meñ sub.h-e-vatan kā naqsh-e-qadam hai

havā ne kar diyā pāmāl raushnī kā badan
charāġh-e-bām kā koī pata nahīñ miltā

yahī charāġh jo raushan hai bujh bhī saktā thā
bhalā huā ki havāoñ kā sāmnā na huā

bujh gayā dil kā kañval daaġh se jalte jalte
gul kisī shab ye charāġh-e-shab-e-hijrāñ na huā

musalsal ek hī tasvīr chashm-e-tar meñ rahī
charāġh bujh bhī gayā raushnī safar meñ rahī

dāġh-e-rabt-e-ham haiñ ahl-e-bāġh gar gul ho shahīd
laala chashm-e-hasrat-ālūd-e-charāġh-e-kushta hai

nashsha-e-mai be-chaman dūd-e-charāġh-e-kushta hai
jaam dāġh-e-shola-andūd-e-charāġh-e-kushta hai

dil-lagī kī aarzū bechain rakhtī hai hameñ
varna yaañ be-raunaqī sūd-e-charāġh-e-kushta hai

rahm kar zālim ki kyā būd-e-charāġh-e-kushta hai
nabz-e-bīmār-e-vafā dūd-e-charāġh-e-kushta hai

shor hai kis bazm kī arz-e-jarāhat-ḳhāna kā
sub.h yak-bazm-e-namak sūd-e-charāġh-e-kushta hai

badan ko chhoḌ hī jaanā hai ruuh ne 'āzar'
har ik charāġh se āḳhir dhuāñ nikaltā hai

ek jism-e-nā-tavāñ itnī dabāoñ kā hujūm
ik charāġh-e-sub.h aur itnī havāoñ kā hujūm

rāste meñ bujh na jaa.eñ ārzuoñ ke charāġh
zikr-e-manzil kārvāñ-dar-kārvāñ karte chalo

din to saarā hī kaTā misl-e-charāġh-e-kushta
garmī-e-jism sar-e-shām jalā de mujh ko

charāġh ban ke añdherī rutoñ meñ jaltā huuñ
sivā.e is ke mirā aur kuchh qusūr nahīñ