Tags-Civilization

rastoñ kī tahzīb yahī hai daa.eñ baa.eñ chhoḌ ke chalnā
sīdhe hī ghar jaanā hai to muñh na lagāo dīvāroñ se

maġhrib se aa ga.ī yahāñ tahzīb-e-barahna
mashriq tirī rivāyatī pākīzgī kī ḳhair

arzāñ hai musht-e-ḳhāk se insān kī hayāt
tahzīb-e-qatl-o-ḳhūn meñ ab zindagī kī ḳhair

tahzīb kī ragoñ se Tapakte lahū meñ tar
dahlīz meñ paḌā huā aḳhbār maiñ hī thā

sadā tahzīb bhī huuñ maiñ
sadā tahrīk bhī huuñ maiñ

zabt tahzīb hai mohabbat kī
vo samajhte haiñ be-zabān huuñ maiñ

tahzīb kā khañDar hai nigāhoñ ke sāmne
vo reñgtā hai dekhiye ik ḳhāmushī kā saañp

urdu ke chand lafz haiñ jab se zabān par
tahzīb mehrbāñ hai mire ḳhāndān par

ye merī tahzīb kā asāsa hī merī pahchān ban sakegā
tamām kohna rivāyatoñ ko jadīd karne kī Thaan lī hai

vo shaḳhs apnī jagah hai muraqqa-e-tahzīb
ye aur baat hai ki qātil usī kā naam bhī hai

apnī tahzīb kī dīvār sambhāle hue haiñ
mere bachche mirā ghar-bār sambhāle hue haiñ

le de ke bach rahī hai jo tahzīb kī zabāñ
'ma.asūm' vo bhī ālī-janāboñ meñ qaid hai

un se.... vo.... tahzīb se ūñchī, chhoTe bhaa.ī se vaqtī chaah
shauhar aa.e na aa.e lekin devar kī ''taktī haiñ rāh''

ham haiñ us aḳhlāq ke pairav, ham haiñ us tahzīb ke log
jis meñ iffat ik ''mafrūza'' ismat jis meñ '''zehnī rog''

vo shaḳhs apnī jagah hai muraqqa-e-tahzīb
ye aur baat hai ki qātil usī kā naam bhī hai

unheñ bhī aaj kī tahzīb chaaT jā.egī
kahīñ kahīñ pe jo simTe hue qabīle haiñ

na.ī tahzīb se bachchoñ ko bachā.ūñ kaise
ḳhud to bigḌā huuñ zamāne ko banā.ūñ kaise

mat tahzīb tamaddun kī tum ham se baat karo
dil kā dard chhalak jā.egā varna āñkhoñ se

us ne kuchh is adā se pazīrā.ī kī mirī
tahzīb-e-husn par maiñ sarāpā sipās thā

vaqt ke saath badal Daale haiñ ādāb-e-vafā
aap ke ishq kī tahzīb na.ī lagtī hai