English
Favourite
Favourite
UrduShayarUrduShayar
Expand menu
Sign inAccount

Tags-Civilization

shāmil mirī tahzīb meñ hai haq kī himāyat
andāz-e-baġhāvat kā virāsat meñ milā hai
Ghazal
 ye wahm hai mera ki haqiqat mein mila hai
aañkh adab zulf tahzīb aariz suḳhan
aur tire lab mujhe shā.irī de ga.e
Ghazal
 KHub tum tohfa-e-ashiqi de gae
labālab shīsha-e-tahzīb-e-hāzir hai mai-e-lā se
magar saaqī ke hāthoñ meñ nahīñ paimāna-e-illā
Ghazal
 sama sakta nahin pahna-e-fitrat mein mera sauda
ġhazal tahzīb hai merī ġhazal merā tamaddun hai
buzurgoñ ne jo rakkhā thā vahī uslūb rakhte haiñ
Ghazal
 usi se fikr-o-fan ko har ghaDi mansub rakhte hain
is ko tahzīb-e-junūñ kahiye ki mujh se pahle
jaise bikhre haiñ sabhī log bikhartā gayā maiñ
Ghazal
 yaad kya dast-e-hunar hai ki sanwarta gaya main
ik nayā daur janam letā hai
ek tahzīb fanā hotī hai
Ghazal
 jab zara tez hawa hoti hai
shahr ko tahzīb ke jhoñkoñ ne nañgā kar diyā
gaañv ke sar kā dupaTTa bhī uḌā le jā.eñge
Ghazal
 hum chaTanon ki tarah sahil pe Dhaale jaenge
baiThe-biThā.e ho ga.ī ghar meñ mār-kaTā.ī chaar baje
mere buzurgoñ ne mujh ko tahzīb sikhā.ī chaar baje
Nazm
 chaar baje
baḌā ajiib hai tahzīb-e-irteqā ke liye
tamām umr kisī ik ko ham-navā rakhnā
Sher
 baDa ajib hai tahzib-e-irteqa ke liye
thā hamīñ se kabhī tahzīb-o-tamaddun kā vaqār
ham kabhī shāḳh-e-gul-e-tar kabhī talvār bhī the
Ghazal
 yun to kahne ke liye subh ke aasar bhi the
tahzīb ko talāsh na kar shahr shahr meñ
tahzīb khañDaroñ meñ hai kuchh pattharoñ meñ hai
Ghazal
 har chand zindagi ka safar mushkilon mein hai
tahzīb hī baaqī hai na ab sharm-o-hayā kuchh
kis darja ab insān ye bebāk huā hai
Ghazal
 jis rose se apna mujhe idrak hua hai
apnī tahzīb kā ab koī talabgār nahīñ
be-sabab ham par-e-surḳhāb liye phirte haiñ
Ghazal
 ye jo hum atlas o kim-KHwab liye phirte hain
apnī tahzīb ko paanī kī zarūrat hogī
chuum aayā huuñ lab-e-gañg-o-jaman aag hai aag
Ghazal
 mat use hath lagana wo sajan aag hai aag
ye nasl lafz-e-mohabbat se āshnā hī nahīñ
koī kisī se bhī tahzīb kā gila na kare
Ghazal
 sulagti ret pe chalna paDe KHuda na kare
mirī tahzīb mere saath hai mahv-e-safar har-dam
mire afkār zinda haiñ mirā iz.hār zinda hai
Ghazal
 mere panw mein pael ki wahi jhankar zinda hai
tahzīb kī bebākī aisī to na thī pahle
ham jab bhī kahīñ nikle tā-hadd-e-adab nikle
Ghazal
 raaton ke andheron mein ye log ajab nikle
pakaḌ lī zañg meñ lipTī hoī na.ī tahzīb
milā thā ham ko jo sone sā diin bech aa.e
Ghazal
 jo thi ilaqe mein sab se hasin bech aae
tire mufakkir samajh na paa.e mizāj-e-tahzīb-e-mustafā.ī
usūl-e-johd-e-baqā ke bande buland hai zauq-e-ḳhud-fanā.ī
Ghazal
 KHushi se phulen na ahl-e-sahra abhi kahan se bahaar aai
garmā.e tahzīb kī mahfil chamkāyā afsāne ko
rañg bikherā āñchal āñchal ruup kā maan baḌhāne ko
Nazm
 zauq-e-takallum par urdu ne rah anokhi kholi hai
Top Urdushayar.com