Tags-Cruelty

timsāl pe ḳhūn-e-nāhaq bhī aur ātish-e-zulm-o-jaur bhī hai
Duubī huī chashm-e-shauq bhī hai ḳhush-rañg ruḳh-e-jānāna tak

is qadar zulm-o-sitam ai sitam-ījād na kar
ḳhaak ham ḳhāk-nashīnoñ kī tū barbād na kar

na lete naam bhī vo zulm kā bhūle se duniyā meñ
agar itnā samajh lete ki hai pesh-e-ḳhudā jaanā

zulm vo zulm ajal DhūñDhtī phirtī hai panah
sabr vo sabr ki sharminda hai āzār ki bas

kyā sikhā.egā un ko zulm-e-falak
ḳhud vo sīkhe-sikhā.e baiThe haiñ

adū par zulm dhāte ho na us ko qatl karte ho
usī par hai tumheñ da.avā ki zālim huuñ maiñ qātil huuñ

zulm hai haq meñ hamāre tirā ab tark-e-sitam
dil ko hai uns sā ik us tirī bedād ke saath

ye mehr-o-muravvat to bajā, phir bhī mire dost
zālim pe karam zulm se iz.hār-e-vafā hai

zulm-o-sitam ke aage kabhī jo jhuke nahīñ
un ke nasīb un ke muqaddar sañvar ga.e

zulm kartā huuñ zulm sahtā huuñ
maiñ kabhī chain se rahā hī nahīñ

lab us ke dekho to hai zulm-o-ḳhūñ ḳhurī kī dalīl
siyah misī pe nahīñ surḳh paan kī tahrīr

garmī ke zulm se ye
duniyā dahak rahī thī

zulm hai taḳht taaj sannāTā
ḳhauf qānūn raaj sannāTā

bād-e-sabā ye zulm ḳhudā-rā na kījiyo
is bevafā se zikr hamārā na kījiyo

ḳhud-numā.ī bhī ajab zulm hai 'nūrī' mujh par
haa.e vo vaqt ki maiñ ḳhud se gurezāñ niklā

kisī kā zor zabardast par nahīñ chalnā
falak ne zulm kiyā kis ne intiqām liyā

zulm Dhā kar bhī abhī tak hai koī be-taqsīr
roz likhne pe bhī hai saade kā saada kāġhaz

purāne zulm meñ lazzat nahīñ hamāre liye
ham apne sar pe nayā āsmāñ banāte haiñ

phir se chhā.ī hai ek ḳhāmoshī
phir nayā zulm koī Dhāyā hai

hamāre mus.haf-e-dil kī qasam khā
kiyā hai zulm kā inkār mohan