Tags-Cruelty

rakkhā hai ravā ye zulm kis ne
zālim ko amaan kis ne dī hai

ye zulm-e-be-nihāyat dushvār-tar ki ḳhūbāñ
bad-vaz.iyoñ ko apnī mahmūd jānte haiñ

qitāl zulm-o-tashaddud fasād aag dhuāñ
hamāre shahr meñ ab kyā mazīd rakkhā hai

ḳhūgar-e-jaur pe thoḌī sī jafā aur sahī
is qadar zulm pe mauqūf hai kyā aur sahī

us ko ab ham zulm samjheñ yā ki ġham-ḳhvārī tirī
ḳhud rulānā aur phir hamdard ban kar dekhnā

un se pyaar kiyā jin par ḳhāmoshī nāzil kī
un par zulm kiyā jo band apnī āvāz meñ the

pahāḌ zulm-o-sitam ke hañsī meñ kaaT diye
adā-e-nāz ki koī gila kiyā hī nahīñ

maiñ sham-e-shab-zulm huuñ āġhāz-e-sahar tak
dil bujhne lagā sub.h kī tanvīr dikhā kar

mubārak zālimoñ ko zulm ham par
jo apnā hī kiyā hai us kā ġham kyā

barf sī tāsīr sab kī ho ga.ī
zulm sah kar ab ubaltā kaun hai

re.āyā zulm pe jab sar uThāne lagtī hai
to eqtidār kī lau thartharāne lagtī hai

mirā ḳhulūs-e-mohabbat bhī kāmrāñ na huā
vo zulm Dhātā rahā mujh pe mehrbāñ na huā

zulm ke daur se ikrāh-e-dilī kaafī hai
ek ḳhūñ-rez baġhāvat ho zarūrī to nahīñ

aaj dil khol ke tum zulm-o-sitam kar Daalo
phir chalāoge kahāñ teġh-e-jafā mere ba.ad

apnī Thokar se mirī qabr ko Dhāyā aa kar
zulm ye aur bhī zālim ne kiyā mere ba.ad

kyā kar rahe ho zulm karo raah raah kā
kahte haiñ be-jigar hai baḌā tiir aah kā

zulm-o-sitam se bhī ab zālim ne haath khīñchā
is se sitam vo baḌh kar ījād kyā karegā

ham bekasoñ pe itnā munāsib nahīñ hai zulm
chīñTā bhī kaaT letā hai akasr dabāv par

sun leñ dil-e-nādāñ kī bāteñ be-kār bigāḌeñ kaam apnā
vo zulm kareñ ham par ki sitam ai 'shād' hameñ to sah jaanā

tāna-e-zulm-o-sitam lailā-o-shīrīñ pe abas
kyā kiyā aap ne ishq-e-dil-e-afgār ke saath