Tags-Cruelty

zulm se rakkhe kaam hamesha da.ave kartā jaa.e vafā kā
kaun zamāne meñ hai aisā maiñ hī maiñ huuñ tū hī tū hai

dekhnā jurm huā zulm huā qahr huā
ye na dekhā tujhe kis aañkh se ham dekhte haiñ

maiñ tamāshā sahī lekin ye tamāshā kaisā
muft meñ log tire zulm-o-sitam dekhte haiñ

mashq-e-jaur-o-zulm to kartā hī jaatā hai vo shoḳh
tū bhī dil sabr-o-tahammul kā ab istīmāl kar

usī ke zulm se maiñ hālat-e-panāh meñ thā
har ik nafas mirā jis shaḳhs kī panāh meñ thā

zulm aur itnā koī had bhī hai is tūfān kī
boTiyāñ haiñ tere jabḌoñ meñ ġharīb insān kī

zulm-pesha zulm-sheva zulm-rān o zulm-dost
dushman-e-dil dushman-e-jāñ dushman-e-tan aap haiñ

ḳhudā samjhe ye kyā sayyād o gulchīñ zulm karte haiñ
guloñ ko toḌte haiñ bulbuloñ ke par katarte haiñ

dil aur vo but zahe muqaddar
zulm aur ye dil ġhazab ḳhudā kā

ye sab mujh par bojh bane haiñ
uf ye kaisā zulm hai mujh par

kuchh ḳhuub nahīñ hai ādat-e-zulm
hargiz na satā.iye kisī ko

duā de ishq ko ai zulm tū bhī zeb-e-pahlū hai
vagarna kaisā hī paikāñ ho lekin dil nahīñ hotā

lutf aatā hai hameñ zulm se Takkar le kar
hashr barpā na huā haa.e qayāmat na milī

tujhe jitne sitam aate haiñ mujh par ḳhatm kar denā
na koī zulm rah jaa.e na ab be-dād rahne de

ḳhāk-dāñ par zulm hai bechārgī hai ḳhauf hai
charḳh par ik mālik-e-arz-o-samāñ bhī chāhiye

kis liye zulm hai ravā is dam
jis ne pūchhā vo pā.emāl huā

ab na kabhī ham zulm saheñge jabr-o-sitam pe chup na raheñge
ek na.e elaan kī saa.at ek na.e manshūr kā din hai

aaj may kā pahlā din hai aaj kā din mazdūr kā din hai
zulm-o-sitam ke madd-e-muqābil hausla-e-jamhūr kā din hai

kisū mashrab meñ aur maz.hab meñ
zulm ai mehrbāñ nahīñ hai durust